𝐅𝐈𝐇𝐀𝐍𝐀𝐇𝐀𝐍`𝐍𝐘 𝐕𝐈𝐇/𝐒𝐈𝐃𝐀 𝐄𝐓𝐎 𝐌𝐀𝐍𝐃𝐑𝐈𝐓𝐒𝐀𝐑𝐀

Mihanaka eto Mandritsara ny aretina VIH/Sida tato anatin`ny taona vitsivitsy. Manoloana izany nikarakara atrikasa nanasana tompon`andraikitra avy alin`ny Sampandraharaha maro misy eto Mandritsara ny Hopitaly Vaovao Mahafaly eto Mandritsara izay natao tao amin`ny Espace G, maneho ny fiarahamiasa amin’ny fanjakana indrindra eo amin`ny Ministeran’ny Fahasalam-bahoaka izao hetsika izao. Tsy mitsaha-mitombo ny tranga azo avy tamin’ny fitiliana efa vita ka antony nanantontosana atrikasa izao. Andrasana amin`ireo lehiben`ny sampan-draharaharaha nasaina ireto ny hametraka drafitrasa hamongorana fihanahan`ny aretina ity satria tanjona 2030 ny hamoanana izan.

 

✦30 tapitrisa mahery ny olona efa voany manerantany, 20 taona aty aoriana nitombo avy 3 heny izany eto Madagasikara, 7O.OOO ny olona voan`izany tamin taona lasa. Tompon’andraikitra ny tsirairay amin’ny ady tao amin aretina ity.

 

Ho an`i Mandritsara manokana: 8% mitondra izany ny 2022, 3,57% ny 2023. Mitotaly 7101 ireo voatily ny taona 2023 ka 380 tamin’ireo no pozitifa. 14 hatramin`ny 36 taona ireo mitondra izany. 18 ny mitondra izany ho an`ny taona vaovao ity.

 

Isany mampihanaka aretina ity ankehitriny ny fanaoavana firaisana ara-nofo. Vahaolana isorohana azy ity ny fanaovana fitiliana, eo koa ny fampiasana ny kapoty. Ankoatra izay mijoro ao amin’ny HVMM ny departemanta mitaiza tanora (Club EPA « Espoir Pour l’Avenir » beazina amin’ny alalan’ny finoana ny tanora anatin’izany, ampahafantarina azy ireo koa ny vokadratsy azo avy amin’nny karazan’aretina ireo.

 

Nanatrika fotoana izao teto ny tale jeneralin`ny Hopitaly Vaovao Mahafaly Philippison Rindrasoa, ny lehiben`ny fari-piadidiam-pahasalamana eto Mandritsara, ary ireo manampahefana nasaina ; filohan`ny Fitsarana ambaratonga voalohany eto an-toerana, lefitry ny lehiben`ny distrika.