Anisan’ireo kandida hirotsaka ho fidiana ben’ny tanana eto amin’ny Kaominina Renivohitra Ambatondrazaka Andriamatoa RATAFITA Solofoharivony Fanantenana dit Fanah Prod amin’ny fifidianana ho tanterahina ny 11 Desambra 2024 ho izao.
Zava-dehibe aminy hoy izy ny fangataha-tsodrano amin’ireo Ray aman-dReny sy tangalemena ka niroso tamin’izany izy amin’izao fotoana izao, koa tany amin’ny Fokontany Anosindrafilo, Antanifotsy no efa nolalovany ary teto amin’ny Fokontany Ambodimanga no nanaovany izany androany Alakamisy 05 Saptambra 2024.
Raha ny fantatra moa dia vonona amin’nyΒ fanohanan’azy avokoa ireo antoko na fikambanana ao anatin’ny vovonana IRMAR Ambatondrazaka ary miara dia aminy hatrany amin’ireo fitsidihana Fokontany ataony.
Kandida misokatra amin’ny rehetra ny tenany ary mipetraka ho kandidam-bahoaka ka miantso ny fanohanan’ny rehetra ahafahana mitondra fanatsarana sy fampandrosoana ny Kaominina Renivohitra Ambatondrazaka.
π³πππ π±πππΜ
