Anisan’ireo tanora nametrahan’ny Antoko Tiako i Madagasikara, izay tarihin’ny Filoham-pirenena teo aloha RAVALOMANANA Marc fahatokisana hirotsaka ho Ben’ny Tanana i Toky RAKOTONDRAZAKA.
Any amin’ny Kaominina Talata – Volonondry ato anatin’ny Distrika Antananarivo Avaradrano, Faritra Analamanga no toerana no hirotsahany hofidiana.
Vonona hitondra ny fahaiza-manao hananany izy entina hampandroso izay Kaominina izany raha tahiny ka ho tonga eo amin’ny toerana, ary nambarany fa ny « tananako tsy maintsy hampandrosoko » tamin-teny tsy hampahambana no nilazany izany lokaloka nataoy izany.
Nangonin ‘Lay Mahintsy
