Nolanian’ny Solombavambahoaka nandritra ny fivoriana azon’ny rehetra natrehina izay natao androany 21 Mey 2025 tao amin’ny Lapan’i Tsimbazaza,tamin’ny endriny nasiam-panitsiana sy nasiam-panovana ny Tolo-dalàna laharana faha-001-2025/PL momba ny famokarana sy famarotana ny toaka gasy eto Madagasikara.
Dingana lehibe ho fanomezan-danja an’ireo Tantsaha mpamokatra toaka gasy izany.Ny Toaka Gasy mantsy dia tsy afa-misaraka amin’ny fomba amam-panao na ankafaliana na ankaratsiana.Ny Solombavambahoaka voafidy tao Toamasina faharoa Atoa ROILAHY JONAH ,dia efa ela no nirary ny hahatongavana amin’izao dingana izao,satria anisan’ny ahitàna Mpamokatra Toaka Gasy Betsaka ny ao amin’ny Distrikan’ny Toamasina Faharoa.Mbola handalo eo anivon’ny Antenimieran-doholona anefa ity Tolo-dalàna ity ka andrasana ny ho vokatr’izany.
