𝐌𝐁𝐎𝐋𝐀 𝐓𝐀𝐙𝐎𝐍𝐈𝐍𝐀 𝐀𝐎 𝐁𝐔𝐑𝐊𝐈𝐍𝐀 𝐅𝐀𝐒𝐎 𝐀𝐎 𝐈𝐑𝐄𝐎 𝐌𝐈𝐀𝐑𝐀𝐌𝐈𝐋𝐀𝐍’𝐍𝐘 𝐍𝐈𝐆𝐄𝐑𝐈𝐀

Niteraka resabe sy adihevitra manerana ny faritra ity raharaha ity, ary nanomboka hatrany am-boalohany dia efa naseho fa tsy misy làlana hafa afa-tsy ny fifampiresahana mivantana ihany, satria tsy hivaly amin’ny tsindry na fandrahonana mihitsy i Burkina Faso amin’izao fotoana izao.

Efa nolazaina izany : ny fifanarahana sy ny diplomatie no hany vahaolana. Raha mbola mieritreritra izy ireo fa hisy vahaolana amin’ny alalan’ny fanehoana hery na tsindry ara-tafika, dia diso toerana. Tsy firenena mora ampitahorina i Burkina Faso, indrindra amin’izao vanim-potoana ijoroan’ny fitondrana amin’ny tena fahaleovantenany izao, hoy hatrany ny Filoha Ibrahim Traoré,

Nambarany tsy nihaotra fa tsy mitovy amin’i Benin i Burkina Faso. Tsy manaiky fandrahonana, tsy mijoro amin’ny tsindry ara-miaramila, ary tsy ampitahorin’ny fisehoan-kery na inona na inona. Tsy misy fandrahonana ara-tafika hahatonga azy hihemotra.

𝗡𝘆 𝗵𝗲𝗿𝘆 𝗻𝗮𝗺𝗽𝗶𝗮𝘀𝗮𝗶𝗻𝗮 𝘁𝗮𝗻𝘆 𝗕𝗲𝗻𝗶𝗻 𝘁𝘀𝘆 𝗮𝘇𝗼 𝗮𝗺𝗽𝗶𝗵𝗮𝗿𝗶𝗻𝗮 𝗺𝗶𝗵𝗶𝘁𝘀𝘆 𝗮𝘁𝘆 𝗕𝘂𝗿𝗸𝗶𝗻𝗮 𝗙𝗮𝘀𝗼 : 𝘁𝘀𝘆 𝘃𝗮𝗵𝗼𝗮𝗸𝗮 𝗶𝗿𝗮𝘆 𝗻𝘆 𝗮𝗼, 𝘁𝘀𝘆 𝘁𝗮𝗳𝗶𝗸𝗮 𝗶𝗿𝗮𝘆, 𝘁𝘀𝘆 𝘁𝗮𝗻𝘁𝗮𝗿𝗮 𝗶𝗿𝗮𝘆.

Burkina Faso, raha ny marina, dia firenena natsangana teo ambony fototry ny fahamendrehana sy ny fahatsarana fitondran-tena. Raha misy zavatra anjakan’ny vahoaka burkinabè dia ny fitiavan-tanindrazana tsy voavidy vola sy ny fahafoizan-tena rehefa miantso ny firenena. Tsy hoe fitiavan-kery, fa fitiavana mametraka an’io firenena io ho tsy azo andairana amin’ny tsindry.

Hita taratra izany amin’ny feom-bahoaka, amin’ny firaisankina, ary amin’ny firindran’ny tafika, izay milaza mazava fa raha resaka fiandrianam-pirenena sy fanajana ny sisintany, dia tsy hiala amin’ny toerany mihitsy ny Burkinabè.

Tsy hoe mankasitraka ny fisian’ny ady na fifandonana ny vahoaka eto Burkina Faso , fa kosa tsy manaiky hitsabatsabahan’ny hafa amin’ny tany tsy azy.

Izay no antony lehibe amin’ilay fianianan’ny firenena hoe

« 𝐋𝐚 𝐏𝐚𝐭𝐫𝐢𝐞 𝐨𝐮 𝐥𝐚 𝐦𝐨𝐫𝐭, 𝐧𝐨𝐮𝐬 𝐯𝐚𝐢𝐧𝐜𝐫𝐨𝐧𝐬 »