𝐅𝐚𝐧𝐚𝐧𝐠𝐚𝐧𝐚 𝐋𝐚𝐛𝐨𝐫𝐚𝐭𝐨𝐚𝐫𝐚 𝐀𝐫𝐚-𝐭𝐬𝐚𝐢𝐧𝐚 𝐬𝐲 𝐒𝐢𝐚𝐧𝐭𝐢𝐟𝐢𝐤𝐚 𝐚𝐨 𝐓𝐨𝐚𝐦𝐚𝐬𝐢𝐧𝐚 𝐧𝐲 𝐅𝐚𝐝𝐢𝐧𝐭𝐬𝐞𝐫𝐚𝐧𝐚𝐧𝐚 𝐌𝐚𝐥𝐚𝐠𝐚𝐬𝐲

Manao ezaka Andriamatoa Tale Jeneraly Fadintseranana Malagasy mametraka ny Fadintseranana maoderina, ara-tsiantifika ary tompon’andraikitra, miasa ho an’ny fiarovana, ny mangarahara ary ny fampandrosoana maharitra.

𝐇𝐚𝐧𝐚𝐧𝐠𝐚𝐧𝐚 𝐋𝐚𝐛𝐨𝐫𝐚𝐭𝐨𝐚𝐫𝐚 𝐀𝐫𝐚-𝐭𝐬𝐚𝐢𝐧𝐚 𝐬𝐲 𝐒𝐢𝐚𝐧𝐭𝐢𝐟𝐢𝐤𝐚 𝐚𝐨 𝐓𝐨𝐚𝐦𝐚𝐬𝐢𝐧𝐚 𝐧𝐲 𝐅𝐚𝐝𝐢𝐧𝐭𝐬𝐞𝐫𝐚𝐧𝐚𝐧𝐚 𝐌𝐚𝐥𝐚𝐠𝐚𝐬𝐲

Miroso hatrany amin’ny fanavaozana ny Fadintseranana Malagasy amin’ny fananganana ny “𝑰𝒏𝒕𝒆𝒍𝒍𝒊𝒈𝒆𝒏𝒄𝒆 𝒂𝒏𝒅 𝑺𝒄𝒊𝒆𝒏𝒕𝒊𝒇𝒊𝒄 𝑳𝒂𝒃𝒐𝒓𝒂𝒕𝒐𝒓𝒚 ”, laboratoara ara-tsiantifika manara-penitra izay hapetraka ao Toamasina, seranan-tsambo lehibe indrindra eto amin’ny firenena.

Tetikasa goavana vaovao ity, natolotry ny Tale Jeneralin’ny Fadintseranana tamin’ireo tonian-dahatsoratra sy talen’ny famoahana ny 23 oktobra 2025 lasa teo.

Hatreto dia tsy maintsy alefa aty Antananarivo na any ivelany ny santionany amin’ireo entana mila fitiliana, ka miteraka fahatarana sy fandaniam-bola fanampiny. Noho ny fananganana ity laboratoara ity kosa dia ho azo atao ny manao fitiliana ara-tsiantifika any Toamasina ihany, ary mivaly ao anatin’ny ora vitsy ny valiny, amin’ny alalan’ireo fitaovana maoderina toy ny spectromètre, chromatographe ary microscope électronique.

Ankoatra ny fanamorana sy fahombiazana entiny amin’ny asa andavanandro, ny 𝑰𝒏𝒕𝒆𝒍𝒍𝒊𝒈𝒆𝒏𝒄𝒆 𝒂𝒏𝒅 𝑺𝒄𝒊𝒆𝒏𝒕𝒊𝒇𝒊𝒄 𝑳𝒂𝒃𝒐𝒓𝒂𝒕𝒐𝒓𝒚 dia ho fitaovana manampy amin’ny ady amin’ny hosoka sy ny

fanodikodinana, ary hanamafy ny fitokisan’ny mpandraharaha amin’ny rafitra ara-dalàna.

Nangonin ‘Lay Mahitsy