Mandritsara, mitohy ny ezaka fanarenana ny tontolo iainana

✦Tsy miraviravy tanana ny fitondram-panjakana amin`ny fiarovana ny tontolo iainana amin`ny alalan`ny Minisiteran`ny Tontolo iainana sy ny fampandrosoana lovain-jafy. Ankatoka fankalazana andro manerantany ho an`ny tontolo iainana izao dia nanambara ny mahazava-dehibe ny fikajiana tontolo iainana ireo tomponan`andraikitra misahana izany ato anatin`ny faritra Sofia. Araka ny lohahevitra : « 𝑯𝒂𝒓𝒊𝒂𝒈𝒏𝒂 𝒔𝒚 𝒍𝒐𝒗𝒂 𝒔𝒂𝒓𝒐𝒃𝒊𝒅𝒚 𝒉𝒐𝒂𝒏`𝒏𝒚 𝒉𝒐𝒂𝒗𝒊𝒏𝒕𝒔𝒊𝒌𝒂 𝒏𝒚 𝒕𝒂𝒏𝒚 𝒌𝒂𝒚 𝒊𝒏𝒅𝒂𝒉𝒚 𝒉𝒂𝒈𝒏𝒂𝒏𝒐 𝒓𝒐𝒈𝒏𝒐 𝒂𝒓𝒂𝒊𝒌𝒚 𝒉𝒂𝒈𝒏𝒂𝒓𝒊𝒈𝒏𝒚 𝒂𝒎𝒊𝒏`𝒏𝒚 𝒇𝒊𝒂𝒕𝒓𝒂𝒊𝒉𝒂𝒈𝒏𝒂 𝒉𝒂𝒊𝒏-𝒕𝒂𝒏𝒚 » Ilaina fitambarana ny ady amin`ny fahapotehana ny tontolo iainana, raha ny nambaran`ny Talem-paritry ny tontolo iainana sy ny fampandrosoana lovain-jafy, Dr Manantsoa Clermond.

Tao amin`ny kaominina ambanivohitra Marotandrano no ivon`ny fankalazana ny 5 jona andro manerantany ho an`ny tontolo iainana ato Sofia, ao an-toerana izay misy ala arovana sy tontolo voajanahary miantoka ny fiainan`ny olombelona sy ireo biby maro ary ny tany. Ny taona 2001 raha tsiahivina no nanomboka ny fiarovana ny ala arovana Ambiniviny, raha ny taona 1956 kosa no hita ny fisian`ity kirihotr`ala ity. Tsy hitsitsy amin`izay minia manimba ala ny fanjakana amin`ny alalan`ny Madagascar National Parc izay tohanan`ny mpiara-miombonantoka amin`ny WWF, WWT, MEDD ary by DREDD.

Lanonam-be no nankalazana izany androany 5 jona tao Marotandrano, notronin`ny tompon`andraikim-panjakana misy eto Mandritsara, lehiben`distrika m Velomaro L`Faustin sy ireo ekipany, misy koa ny avy amin`ny faritra Sofia : ny sekretera jenerelan`ny faritra, ny talem-paritry ny Tontolo iainana sy ny fampandrosoana lovain-jafy, talem-paritry ny Rano ary Talem-paritry ny Fampandrosoana.