π“π¨πšπ¦πšπ¬π’π§πš: 𝐓𝐬𝐲 𝐦𝐚𝐧𝐚𝐒𝐀𝐲 πŸπ’π­π¬πšπ›πšπ‘πšπ§πš 𝐩𝐨π₯𝐒𝐭𝐒𝐀𝐚 πšπ¦π’π§β€™π§π² 𝐫𝐚𝐑𝐚𝐫𝐚𝐑𝐚𝐦-π©π’π€πšπ¦π›πšπ§πšπ§πš 𝐧𝐲 π…πˆπ“π„π€π“πŽ

21 0
πŸ“Œ Nanao fanambarana taorian’ny fivoriana nataony androany ny Fikambanan’ny Terak’i Androy eto Toamasina na FITEATO, manoloana ny fisian’ny taratasy voalaza fa avy any Antananarivo, izay milaza ny hanaovana fifidianana haingana eo anivon’ny fikambanana.
πŸ“Œ Araka ny fanazavan’ny tompon’andraikitra ao amin’ny FITEATO, dia tsy eken’izy ireo ny fikasana hanelingelina ny raharaham-pikambanana anatiny, indrindra raha misy ambadika politika na fanerena avy amin’ny vondron’olona ivelan’ny fikambanana. Nohamafisin’izy ireo fa manana ny sata sy fitsipika anatiny mifehy azy manokana ny FITEATO, ary mahaleo tena amin’ny fitantanana ny raharahany.
πŸ“Œ Raha tsiahivina, ny taona 2014 no niforona ny FITEATO, ary i Atoa LAHA Miarentsoa no filoha nanomboka tamin’izany. Nisy fotoana tsy dia nahazoana nanao hetsika firy teo anelanelan’ny taona 2019 sy 2021, noho ny valanaretina Covid-19. Tamin’ny faramparan’ny taona 2021 kosa dia nisy fifidianana, ka mbola i Atoa LAHA Miarentsoa no voafidy hitantana ny fikambanana.
πŸ“Œ Nambaran’ny filohan’ny FITEATO sy ny birao miaraka aminy fa mampalahelo ny mahita vondron’olona, araka ny filazan’izy ireo, mitady hampiasa ny fikambanana amin’ny kajy politika. Ho azy ireo, tsy tokony hatao fitaovana hisehoana etsy sy eroa ny fikambanana, fa tokony hijoro hatrany ho sehatra mampiray sy miaro ny tombontsoan’ny mpikambana.
πŸ“Œ Manoloana izany, nilaza ireo mpikambana maro an’isa ao amin’ny FITEATO eto Toamasina fa tsy hanatrika ny fivoriana sy fifidianana kasaina hatao rahampitso. Nohamafisin’izy ireo anefa fa tsy manohitra ny fanjakana mijoro izy ireo, ary tsy fikambanana manao politika ny FITEATO.
πŸ“Œ Ny tanjona, hoy izy ireo, dia ny hitandroana ny firaisankina, ny fahaleovantenan’ny fikambanana, ary ny fanampiana ara-tsosialy ireo mpikambana Terak’i Androy monina aty an-tany lavitra.
Β Nangonin’i Claudia Tsitolomy

Related Post

Toamasina, zaza tsy ampy taona nifanao valifaty

Posted by - novembre 23, 2024 0
π“π«πšπ§π πšπ¦-𝐩𝐒𝐚𝐫𝐚𝐑𝐚𝐦𝐨𝐧𝐒𝐧𝐚 𝐭𝐚𝐧𝐲 ππžπ­πšπ’π§π¨π¦π›π²: 𝐀𝐧𝐀𝐒𝐳𝐲 𝐭𝐬𝐲 𝐚𝐦𝐩𝐲 𝐭𝐚𝐨𝐧𝐚 𝐧𝐒𝐟𝐚𝐧𝐚𝐟𝐒𝐀𝐚 𝐀𝐚 𝟐 𝐧𝐚𝐫𝐚𝐭𝐫𝐚 𝐚𝐫𝐲 𝐒𝐫𝐚𝐲 𝐦𝐒𝐬𝐲 𝐦𝐚𝐧𝐠𝐚𝐧𝐚 𝐧𝐲 𝐯𝐚𝐭𝐚𝐧𝐲. Samy mbola mpianatra…