Androany 20 Jona 2024 no natao tao amin’ny « Hôtel Pietra » Fianarantsoa ny lanonam-pamaranana amin’ny fomba ofisialy ny « programme USAID ACCESS » , amin’ny Faritra telo aty ahitana ny Faritra Vakinankaratra, Amoron’i Mania ary Mahatsiatra Ambony.
Ny USAID no namatsy vola ny fandaharan’asa ACCESS ,izay manohana ny Ministera amin’ny fanamafisana ny fahasalaman’ny vahoaka Malagasy monina amin’ny Faritra 14. Ho an’ny Faritra telo nifarana androany ity,dia ny fandrindrana fiainam-pianakaviana no notohananymanokana. Ka ny taona 2018 no nanomboka ny « programme » ary nikatona androany 20 Jona 2024 .
Nitarika ny lanonana ny Tale Jeneralin’ny Fisorohana ara-pahasalamana eo anivon’ny Ministeran’ny Fahasalam-bahoaka izay notronon’i Solotenan’ ny USAID sy ny Talen’ny ACCESS.
Ny fandaharan’asa no mifarana,fa ny asa dia mitohy hatrany.
Ho an’Amoron’i Mania manokana dia mbola misimisy ihany ny ezaka eo amin’ny fandrindrana ny fiainam-pianakaviana satria dia mbola 35% no tratra ny tanjona raha ny taona 2023 teo,raha 28% izany ny taona 2020 .
Tombony nefa no azo satria nahazo fanamafisana fahaiza-manao ireo mpiasan’ny fahasalamana,no nahazo fiofanana ihany koa ireo mpanentana ara-pahasalamana nandritran’izay 5 taona niarahana tamin’ny fandaharan’asa ACCESS -USAID izay.
Nisy ny fanomezana fampitaovana,toy ny solosaina, sns… ho an’ireo distrika , anatin’ny Faritra telo ireo , ho fanampiana azy ireo amin’ny asa sahaniny .
Ho an’ny Faritra Matsiatra Ambony kosa indray dia vokatra azo tsapain-tanana no
azo. 59,6% ny tahan’ny olona manao ny fandrindrana fiainam-pianakaviana amin’izao fotoana izao. Ezahina ny hitazomana hatrany ny taha io,ary mbola mitohy hatrany ny ezaka na dia lasa aza ny ACCESS.
Nangonin’ i Ando Rafahatelo
