𝗕𝗲𝘁𝘀𝗮𝗸𝗮 𝗶𝗿𝗲𝗼 𝘇𝗮𝘇𝗮 𝘁𝗮𝗳𝗮𝘃𝗲𝗿𝗶𝗻𝗮 𝘀𝗼𝗮 𝗮𝗺𝗮𝗻-𝘁𝘀𝗮𝗿𝗮 𝗲𝗼 𝗮𝗻𝗶𝘃𝗼𝗻’𝗻𝘆 𝗳𝗶𝗮𝗻𝗮𝗸𝗮𝘃𝗶𝗮𝗻𝘆

Ho fanamafisana ny ady amin’ny fahaverezan’olona, dia nanara-maso ny fizotran’ny asa tao amin’ny « Centre Opérationnel Anti-Enlèvement », ao amin’ny Kaomisaria Foibe Tsaralalàna,ny Minisitry ny Filaminam-bahoaka, ny Inspecteur Général de Police ERICK MICHEL, ny Alatsinainy 13 Jolay 2026 lasa teo, niaraka tamin’ireo tompon’andraikitra ambony eo anivon’ny Minisiteran’ny Filaminam-bahoaka.

Nandritra izany fitsidihana dia nankasitraka sy nanara-maso ny fandrosoan’ny asa ary ny fomba fiasan’ity foibe ity ny Minisitra.

Araka ny tatitra azo, dia nahitana fahombiazana ny asa satria maro ireo zaza voalaza fa very no tafaverina soa aman-tsara eo anivon’ny fianakaviany, vokatry ny ezaka nataon’ny mpitandro filaminana sy ny fiaraha-miasan’ireo sampan-draharaha rehetra voakasika, indrindra ny fanampian’ireo olona tsara sitrapo.

Ity ivon-toerana ity dia tafiditra ao anatin’ny politika tanterahin’ny Praiminisitra Mamitiana RAJAONARISON, izay napetraky ny Filohan’ny Fanavaozana, ka mikendry ny hamaly haingana ny filan’ny vahoaka Malagasy sy ny fanatanterahana ny tetikasan’ny Fanavaozana.