DISITRIKAN’I PORT-BERGE | NIRAVONA NY DISADISA TEO AMIN’NY FOKO ROA NIFANOLANA, NANAIKY FANDAMINANA NY ANDANINY SY NY ANKILANY.

Araka ny vaovao efa nalefa teto dia nisy ny disadisam-piarahamonina tao amin’ny kaominina Tsiningia, Disitrikan’i Port-Bergé faritra Sofia. Nisy ny fifandonana teo amin’ny mpiavy tatsimo sy ireo fokonolona ao amin’ny fokontany Ambarimanjevo omaly sabotsy 06 jolay 2024 maraina.

Tsy niandry ela fa omaly ihany dia nidina tany an-toerana ny OMC notarihan’ny Lehiben’ny Disitrikan’i Port-Bergé, Todivelo Cyrille. Tany an-toerana koa ny Filohan’ny Dina ato amin’ny Disitrikan’i Port-Bergé.

Ankoatra ireo dia niara-namaha izao olana izao tany Tsiningia ireo iraka manokana nalefan’ny Solombavambahoaka voafidy tato amin’ny Disitrikan’i Port-Bergé sy ny Ben’ny tanàna Tsiningia. Nanome toky ireo andaniny sy ny ankilany tamin’ny alalan’ireo solontena sy ny mpitarika azy ireto fa hitandro ny fihavanana izy ireo. Niara-nanaiky ny roa tonta fa hatsahatra eo ny disadisa.