Ambolosy – Tsaratanàna: Dahalo malaza amin’ny fakana an-keriny no maty voatifitry ny Zandary.

282 0
👉 Ny faha 16 Aprily taona 2025 teo iny, tokony tamin’ny dimy ora hariva mahery telopolo minitra tany ho any no voasambotra ny Zandary ao amin’ny zana-tobim-paritra Ambolosy, izay nampian’ireo namany ao amin’ny CSAO Andriamena manao fisaorana eo anelanelan’i Brieville sy Ambakireny, ilay dahalo malaza amin’ny resaka fakana an-keriny iray antsoina hoe: Randriharimanana dit Harimanana, tokony eo amin’ny 39 taona eo.
👉 Rehefa tonga teo anelanelan’Ambohimaranitra, fokontan’Ambohitranivo, kaominina Brieville, disitrikan’i Tsaratanàna dia nitari-dositra ity farany nandritra fitondrana azy an-tongotra teny an-dalana no nihezaka nampitandrina tamin’ny alalan’ny tifin-danitra ihany ny mpitandro ny filaminana, saingy tsy tana tamin’ny fijanon’ilay malaso. Ary teo no voatery tsy maintsy nampiasa ny fitaovam-piadina teny aminy ny Zandary, ka maty tsy tra-drano i Harimanana.
👉 Raha ny asa ratsy nataon’ity jiolahy lavon’ny bala ity dia efa naka an-keriny olona roa tao Ambolosy, kaominina ambanivohitra Ambakireny ny faha 04 Febroary taona 2024 teo. Ireto avy ny olona nalain’ny an-keriny tamin’izany: Raveloarimanana Mathilde Valisoa, Manatenasoa Louisette. Teo ihany koa ny fakana an-keriny tao Ambohidronono, kaominina ambanivohitra Ambakireny ny taona 2024 teo, sy ny fakana an-keriny niseho tao Babangy, fokontany Mahamavo, kaominina ambanivohitra Ambakireny ny faha 12 Septambra taona 2024 teo. Saingy efa votsotra avy moa ireo olona nalaina an-keriny ireo.
👉 Eto am-pamaranana ny lahatsoratra dia tsara hatrany mampahafantatra fa nomena ny havany ny vatan’ilay jiolahy maty voatifitra, taorian’ny fizahana nataon’ny mpitsabo.
Nagonon’i Zandry be Tantely

Related Post

SAKARAHA SALAMA

Posted by - octobre 3, 2024 0
Niainga avy eto Sakaraha ny sidina voalohany amin’ny Drone nampitondraina Fanafody fanefitra (Vaccin), hoan’ireo CSB II any amin’ireo Kominina ato…

𝑳𝒊𝒆𝒖𝒕𝒆𝒏𝒂𝒏𝒕 𝑹𝑨𝑵𝑫𝑹𝑰𝑨𝑵𝑨𝑴𝑩𝑰𝑵𝑰𝑵𝑨 𝑯𝒆𝒓𝒏𝒐𝒍𝒅 | 𝐓𝐀𝐆𝐍𝐀𝐌𝐀𝐑𝐎 𝐇𝐎 𝐀𝐍’𝐍𝐘 𝐅𝐀𝐍𝐃𝐑𝐈𝐀𝐌𝐏𝐀𝐇𝐀𝐋𝐄𝐌𝐀𝐍𝐀

Posted by - avril 19, 2025 0
𝐃𝐢𝐬𝐭𝐫𝐢𝐤𝐚 𝐌𝐎𝐑𝐀𝐌𝐀𝐍𝐆𝐀 𝐊𝐚𝐨𝐦𝐢𝐧𝐢𝐧𝐚 𝐀𝐦𝐛𝐚𝐧𝐢𝐯𝐨𝐡𝐢𝐭𝐫𝐚 𝐁𝐄𝐌𝐁𝐀𝐑𝐘 𝐓𝐀𝐆𝐍𝐀𝐌𝐀𝐑𝐎 𝐇𝐎 𝐀𝐍’𝐍𝐘 𝐅𝐀𝐍𝐃𝐑𝐈𝐀𝐌𝐏𝐀𝐇𝐀𝐋𝐄𝐌𝐀𝐍𝐀 -𝐙𝐚𝐧𝐝𝐚𝐫𝐢𝐦𝐚𝐫𝐢𝐚𝐦-𝐩𝐢𝐫𝐞𝐧𝐞𝐧𝐚 𝐍𝐚𝐬𝐢𝐨𝐧𝐚𝐥𝐲 𝐌𝐎𝐑𝐀𝐌𝐀𝐍𝐆𝐀 𝐌𝐀𝐅𝐈 Ny 𝑳𝒊𝒆𝒖𝒕𝒆𝒏𝒂𝒏𝒕 𝑹𝑨𝑵𝑫𝑹𝑰𝑨𝑵𝑨𝑴𝑩𝑰𝑵𝑰𝑵𝑨 𝑯𝒆𝒓𝒏𝒐𝒍𝒅 izay lefitry ny…