Tokantrano miisa 12 no tsy manan-kialofana taorian’ny hain-trano nitranga tao amin’ny fokontany Ambalamadiro, kaominina ambanivohitra Ankiabe Salohy, distrikan’i Mandritsara, tamin’ny 15 Jona 2026.
Fananana maro no kila forehitra nandritra ny loza, anisan’izany ny kidoro, ny tahirim-bary ary ireo kojakoja samihafa tao an-tokantrano. Namela ireo fianakaviana traboina tao anatin’ny fahasahiranana lehibe ny fahavoazana.
Tonga nijery ny zava-misy teny an-toerana ireo tompon’andraikitra eny ifotony. Nisy ihany koa ny fandraisana andraikitra sy ny fitadiavana vahaolana maika, ho fanampiana ireo fianakaviana niharam-boina.
Nangonin’i Claudio
