SEKOLIM-PIRENENA MANOFANA MPITSARA SY MPRAKIDRAHARAHA : NAVOAKA TAMIN’NY FOMBA OFISIALY NY ANDIANY ILO.

📌Alatsinainy 08 aprily 2024.
CCI Ivato, Mpianatra ho Mpitsara miisa 81 no nahavita ny fianarany. Navoaka tamin’ny fomba ofisialy izy ireo ary notolorana mari-pahaizana. ILO no anarana nisaloran’ity andiany ity izay misy Mpitsara ny ady hifanaovan’ny samy olon-tsotra miisa 41, Mpitsara amin’ny ady atao amin’ny fanjakana 20, Mpitsara momba ara-bola 20.

➡️ Nandritra ny fandraisam-pitenenana, ny Mpitahiry ny Tombokasem-panjakana, Minisitry ny Fitsarana RANDRIAMANANTENASOA Landy Mbolatiana dia nanamafy fa hapetraka ho maodely eo amin’ny fanatsarana ny fitantanan-draharaham-panjakana ny Mpitsara, ao anatin’izany izao andiany vao navoaka izao, izay efa tafiditra ao anatin’ny Fianakaviamben’ny Minisiteran’ny Fitsarana.

➡️  Tanjona mantsy ny fanomezana tolotra tsara ho an’ny Vahoaka manan-draharaha eo anivon’ny Fitsarana.
⭐Nanotrona ity lanonana ity ireo tompon’andraikitra isan-tokony eny anivon’ny Andrimpanjakana samihafa, izay notarihan’ny Filohan’ny Antenimiera-doholona sy ny ireo tompon’andraikim-panjakana isan-tsokajiny ary ireo Mpiara-miasa ara-bola sy ara – tekinika amin’ny Minisiteran’ny Fitsarana sy ny ENMG