Mba ho fanatanterahana ny politika ankapobeny ny Fanjakana sy ny fanatratrarana ny 100 andro, dia nanatanteraka fambolen-kazo ho entina hanatsarana endrika ny tananan’i Toliara ny avy ao amin’ny Talem-paritry ny Tontolo Iainana sy Fandrosoana Lovain-jafy Atsimo-Andrefana, ka natao miditra ny tananan’i Toliara sy mivoaka izany fambolen-kazo izany.
Teny Andatabo, Kominin’i Betsinjaka izay tanana voalohany miditra ny Toliara raha manaraka ny Lalam-pirenena faha-7 iny no nisantarana izany androany 28 Febroary 2024, izay niarahana tamin’ireo fokonolona VOI izay vonona hikarakara sy hiambina ireto zanakazo natsatoka ireto. Zanakazo akao na Flaos ary asenjy no novolena manamorona ny arabe. Santatra ambavarano ihany izao hoy ny Talem-paritry ny Tontolo iainana Atsimo-Andrefana MARA Edena fa mbola hisy fitohizany izay tsy maintsy hataomanamorona ny RN9 mivoaka ny Toliara mihazo ny Faritra Menabe iny.
Nangonin’i JOB
