Sefo fokontany 189 avy amin’ny kaominina 22 ao amin’ny distrikan’Amparafaravola no nisitraka Bisikileta VTT vaovao, Androany Talata 27 Febroary no natolotra azy ireo izany, ary tamin’ny alalan’ny CIAD izay famantsiam-bola avy amin’ny Fitondram-panjakana tantanan’ireo solombavam-bahoaka mianadahy ao amin’ny Distrikan’Amparafaravola no nividianana izany.
Izao no natao, dia ho fankasitrahana sy ho famporisihana azyu ireo eo amin’ny fanatanterahana ny asa aman’andraikitra sahanin’izy ireo.
Tsy madino anareo sefo fokontany izahay hoy ny Solombavam-bahoaka Émiline RAKOTOBE teo ampanolorana ireo bisikileta ary nisaotra ny Fitondram-panjakana tarihin’ny Filoha Andry Rajoelina nanome azy ireo ny vola tamin’ny alalan’ny CIAD.
Nangonin’i Lova – Ambato
