𝐀𝐕𝐎𝐓𝐑𝐀𝐈𝐍𝐀 𝐀𝐍𝐃𝐑𝐈𝐀𝐌𝐎𝐒𝐀 𝐍𝐀𝐇AZO “𝐄́𝐂𝐇𝐄𝐋𝐎𝐍 𝐃’𝐎𝐑

Nisongadina tamin’ny lanonana tao Alasora androany ny fanomezana ny Medalin’ny Zandarimariam-pirenena “Échelon d’Or” ho an’i 𝘼𝙫𝙤𝙩𝙧𝙖𝙞𝙣𝙖 𝘼𝙣𝙙𝙧𝙞𝙖𝙢𝙤𝙨𝙖, 𝙎𝙤𝙡𝙤𝙢𝙗𝙖𝙫𝙖𝙢𝙗𝙖𝙝𝙤𝙖𝙠𝙖𝙣’𝘼𝙫𝙖𝙧𝙖𝙙𝙧𝙖𝙣𝙤. Mari-boninahitra maneho fankasitrahana ny fandraisany anjara tamin’ny raharaham-bahoaka sy ny fanohanana ny fitandroana ny fandriam-pahalemana.

𝟭𝟲 𝘁𝗮𝗼𝗻𝗮 𝗻𝗶𝘁𝗮𝗻𝘁𝗮𝗻𝗮𝗻𝗮 𝗮𝗻’𝗶 𝗦𝗮𝗯𝗼𝘁𝘀𝘆 𝗡𝗮𝗺𝗲𝗵𝗮𝗻𝗮

Anisan’ny antony mampiavaka an’i Avotraina Andriamosa ny traikefa azony teo amin’ny fitantanana ny Kaominina.

16 taona no nitantanany ny Kaominina Sabotsy Namehana, toerana izay nahafahany nandray anjara tamin’ny raharaham-pampandrosoana sy ny fiainan’ny mponina tao amin’ny Distrikan’Antananarivo Avaradrano.

Ankehitriny, amin’ny maha-Solombavambahoakan’Avaradrano azy, dia mbola mitohy ny fandraisany andraikitra eo amin’ny raharaham-bahoaka.

“𝗘́𝗰𝗵𝗲𝗹𝗼𝗻 𝗱’𝗢𝗿” 𝗵𝗼 𝗮𝗻’𝗶 𝗔𝘃𝗼𝘁𝗿𝗮𝗶𝗻𝗮 𝗔𝗻𝗱𝗿𝗶𝗮𝗺𝗼𝘀𝗮

Nandritra ny lanonana androany no nanoloran’ny Ministera Délegué misahana ny Zandarimariam-pirenena ny Medalin’ny Zandarimariam-pirenena “Échelon d’Or” ho an’i Avotraina Andriamosa.

Nomena izany ho fankasitrahana ny fandraisany anjara tamin’ny fanohanana sy ny fampitaovana ny Zandarimariam-pirenena.

Mari-boninahitra mitondra lanja manokana izany, indrindra fa ny fitandroana ny filaminana dia mitaky fiaraha-mientana eo amin’ny mpitandro ny filaminana sy ireo tomponandraikitra ary ny olom-boafidy eny ifotony.

𝗙𝗶𝗮𝗿𝗮 𝗶𝗿𝗮𝘆 𝘀𝘆 𝗴𝗶𝗹𝗲𝘁𝘀 𝗽𝗮𝗿𝗲-𝗯𝗮𝗹𝗹𝗲𝘀 𝟭𝟬 𝗵𝗼 𝗮𝗻’𝗻𝘆 𝘇𝗮𝗻𝗱𝗮𝗿𝘆 𝗮𝗼 𝗔𝗹𝗮𝘀𝗼𝗿𝗮

Tsy ny fanomezana mari-boninahitra ihany no nisongadina.

Fiara iray sy gilets pare-balles miisa 10 no natolotry ny Ben’ny Tanànan’Alasora, Jimmy Randriantsoa, sy ireo mpanolotsainan’ny Kaominina ho an’ny Brigade de la Gendarmerie Alasora.

Natao hanamafisana ny fitaovana ampiasain’ireo zandary amin’ny fanatanterahana ny andraikiny izany.

Ny gilets pare-balles kosa dia natao indrindra ho fiarovana ireo mpitandro ny filaminana mandritra ireo asa mety hampidi-doza.

𝗝𝗶𝗺𝗺𝘆 𝗥𝗮𝗻𝗱𝗿𝗶𝗮𝗻𝘁𝘀𝗼𝗮 𝗸𝗼𝗮 𝗻𝗮𝗵𝗮𝘇𝗼 “𝗘́𝗰𝗵𝗲𝗹𝗼𝗻 𝗱’𝗢𝗿”

Ankoatra an’i Avotraina Andriamosa, dia nahazo ny Medalin’ny Zandarimariam-pirenena “Échelon d’Or” ihany koa i Jimmy Randriantsoa, Ben’ny Tanànan’Alasora.

Fankasitrahana ny fandraisany anjara tamin’ny fanohanana sy fampitaovana ny Zandarimariam-pirenena no anton’izany.

𝗙𝗶𝘁𝗮𝗼𝘃𝗮𝗻𝗮 𝘀𝘆 𝗳𝗶𝗮𝗿𝗮𝗵𝗮-𝗺𝗶𝗮𝘀𝗮, 𝗮𝗻𝘁𝗼𝗸𝘆 𝗻𝘆 𝗳𝗮𝗻𝗱𝗿𝗶𝗮𝗺-𝗽𝗮𝗵𝗮𝗹𝗲𝗺𝗮𝗻𝗮

Hita taratra amin’izao hetsika izao fa tsy ampy ny ezaka ataon’ny mpitandro ny filaminana raha tsy misy ny fiaraha-miasa sy ny fanohanana avy amin’ireo tomponandraikitra eny ifotony.

Ny fanomezana fitaovana sy fitaovana fiarovana ho an’ny zandary dia mikendry ny hanamafisana ny fahafahan’izy ireo manatanteraka ny asany.

Ho an’Avaradrano, ny “Échelon d’Or” azon’i Avotraina Andriamosa dia manamarika ihany koa ny fankasitrahana ny dian’ity olom-boafidy ity teo amin’ny fitantanana sy ny raharaham-bahoaka, taorian’ny 16 taona nitantanany an’i Sabotsy Namehana.

Nangonin ‘Lay Mahitsy