Nivoaka ny biraonβny Sampana misahana ny fikarohana heloka bevava teny Fiadanana taminβny 4 ora sy 45 minitra hariva, ny alakamisy 9 Jolay 2026, i IsmaΓ«l Razafinarivo, talenβny famoahana ao aminβny Radio Antsiva, rehefa avy nanaovana fanadihadiana nandritra ny adiny efatra mahery.
Araka ny fanazavana nomeny teo ivelanβny birao, nilamina ny fizotranβny fakana am-bavany. Tsy mbola nambarany kosa ny antsipiriany momba ireo fanontaniana napetraka sy ny valiny nomeny, noho ny tsiambaratelonβny famotorana izay tsy maintsy hajaina mandritra ny fanadihadiana.
Voalaza ao aminβny taratasy fampiantsoana fa ahiahiana ho nanao famoahana vaovao tsy marina sy fampirisihana ho aminβny fankahalana na incitation Γ la haine ny talenβny famoahanβny Radio Antsiva. Fiampangana mbola eo am-panadihadiana anefa ireo, ka tsy tokony horaisina ho porofon-keloka raha tsy misy fanapahan-kevitra ara-pitsarana manamarina izany.
Notroninβny mpisolovava azy sy Andry Rakoto, mpandrindra ny CT-OJM, i IsmaΓ«l Razafinarivo nandritra ny fakana am-bavany. Tsy mbola nisy fanazavana ofisialy nivoaka momba izay mety ho tohinβny raharaha.
Ny fahalalahanβny asa fanaovan-gazety no iray aminβireo andry iorenanβny fiarahamonina demokratika. Rehefa ampanginina ny mpanao gazety, mihamalemy ny demokrasia; rehefa matahotra miteny ny vahoaka, manomboka manjaka ny jadona.
Nangonin ‘Lay Mahitsy
