Addis Ababa, Etiopia โ Nisokatra taminโny fomba ofisialy tao aminโny foibenโny African Union (AU) ny fivoriana faha-39 anโireo Filoham-panjakana sy Governemanta afrikanina. Fivoriana naharitra roa andro izy ity, nitondra hafatra mazava momba ny firaisankina, ny fahaleovantena ara-bola ary ny fandraisana andraikitra aminโny sehatra iraisam-pirenena.
Rano sy fahadiovana : fototry ny fampandrosoana
Nifantoka taminโny lohahevitra hoe โFiantohana ny faharetanโny fisianโny rano sy ny rafitra fahadiovana azo antoka mba hahatratrarana ny tanjonโny Agenda 2063โ ny fihaonana.
Araka ny fanazavanโny Filohanโny Vaomieranโny AU, Mahmoud Ali Youssouf, dia tsy loharanon-karena tsotra ny rano fa fototry ny fampandrosoana sy ny fandriampahalemana. Nambarany fa tonga aminโny fotoana sarotra i Afrika, manoloana ny ady mitohy any aminโny faritra maro sy ny fiovanโny fitondrana tsy ara-dalร na.
Nanentana ireo firenena mpikambana izy mba hanafaingana ny fampiraisana ara-toekarena sy ara-politika araka ny vina Agenda 2063, ary hanamafy ny fanavaozana anatiny sy ny fahaleovantena ara-bola, indrindra aminโizao fihenanโny fanampiana avy any ivelany izao.
Fandriampahalemana sy fanavaozana
Naneho firaisankina taminโireo firenena voakasiky ny ady, toy i Sodร na, ny faritra Sahel, ny atsinananโny RD Congo ary Somalia, ny Vaomieranโny AU. Nohamafisiny fa tsy maintsy hajaina ny lalร na iraisam-pirenena mba hahazoana fandriampahalemana maharitra.
Fifandimbiasam-pitondrana
Ny Filohanโi Angola sady Filohanโny AU teo aloha, Joรฃo Lourenรงo, no nanokatra taminโny fomba ofisialy ny fihaonana. Notsindriany fa laharam-pahamehana ara-politika sy ara-moraly ny fahazoana rano madio, satria mifamatotra aminโny fahasalamam-bahoaka sy ny fiarovana ara-tsakafo izany.
Nambarany ihany koa fa tsy hisy fampandrosoana raha tsy voavaha ny ady sy ny korontana, ka ilaina ny โfampanginana ny basyโ manerana ny kaontinanta.
Afrika handray anjara aminโny famolavolana izao tontolo izao
Nandritra ny lahateniny, ny Praiminisitra Etiopiana Abiy Ahmed dia nanentana fa tsy tokony ho mpanara-maso fotsiny i Afrika, fa tokony handray anjara mavitrika aminโny famolavolana ny raharaha maneran-tany, indrindra eo aminโny sehatry ny teknolojia sy ny faharanitan-tsaina artifisialy.
Etsy ankilany, ny Sekretera Jeneralinโny Firenena Mikambana, Antรณnio Guterres, dia nanamafy ny fiaraha-miasa eo aminโny ONU sy ny AU, ary niantso fanavaozana ny Filankevitra momba ny Fandriampahalemana mba hanana solontena afrikanina matanjaka kokoa.
Voafidy ny Filoha ho anโny 2026
Anisanโny zava-dehibe indrindra taminโity fihaonana ity ny fifidianana ny Filoha vaovao hitarika ny AU aminโny taona 2026. Lany taminโizany ny Filohanโi Burundi, รvariste Ndayishimiye, izay handimby anโi Joรฃo Lourenรงo aminโny fitarihana mihodina.
Ireto avy ny firafitry ny Birao vaovao ho anโny 2026 :
- Filoha : Burundi
- Filoha Lefitra Voalohany : Ghana
- Filoha Lefitra Faharoa : Tanzania
- Filoha Lefitra Fahatelo : (Faritra Avaratra โ mbola hohamarinina)
- Mpitantsoratra : Angola
Mitohy ny dinika, mifantoka aminโny fiarovana ny rano sy ny fandriampahalemana manerana anโi Afrika. Mazava ny hafatra nivoaka tao Addis Ababa : mila miray hina sy mijoro aminโny heriny i Afrika, ary manatanteraka aminโny fomba azo tsapain-tanana ny vina Agenda 2063.
