𝐅𝐈𝐅𝐈𝐃𝐈𝐀𝐍𝐀𝐍𝐀 𝐓𝐀𝐎 𝐀𝐌𝐈𝐍’𝐍𝐘 𝐊𝐀𝐎𝐌𝐈𝐍𝐈𝐍𝐀 𝐀𝐍𝐃𝐑𝐈𝐀𝐌𝐄𝐍𝐀, 𝐃𝐈𝐒𝐓𝐑𝐈𝐂𝐓 𝐓𝐒𝐀𝐑𝐀𝐓𝐀𝐍𝐀𝐍𝐀, 𝐑𝐄𝐆𝐈𝐎𝐍 𝐁𝐄𝐓𝐒𝐈𝐁𝐎𝐊𝐀

Velon-taraina ny vahoaka ao amin’ny Kaominina Andriamena, Distrika Tsarantanana, Faritra Boeny, satria diso fanantenana ny vahoaka manoloana ny fitsimbadihan’ny vokam-pifidianana, nambaran’izy ireo voahitsakitsaka ny zo sy safidin’ny mpifidy, ary nohamafin’ny mponina hatrany fa very maina ireo ezaka sy fitiavan-tanindrazana nasehon’ny mpanohana rehetra ka mangataka ny tompon’andraikitra mahefa rehetra handray andraikitra amin’ity toe-draharaha ity.

Raha tsiahivina dia miisa 07 ny Kandida nirotsaka ho Ben’ny tanana tato amin’ity Kaominina ity tamin’ny fifidianana Ben’ny tanana natao farany teo. Ka toy izao ny fizotry ny tantara

Nivoaka ny vokatra vonjmaika tany amin’ny SRMV sy ny CENI ka toy izao ny vokatra :

Lany ny kandida AVI RAKOTOARIVONY Minosoa Paul 950 (27,17 %)

Faharoa ny kandidat Indépendant RABEARILALA Sitraka Hersten 903 (25,82 %)

Fahatelo ny Kandidat IRMAR RATEFIARIVONY Jaona 702 (20,07 %)

Rehefa nivoaka ny vokatra avy any amin’ny Tribunal Adrministratif Mahajanga dia niova ny vokam-pifidianana ka lasa tahaka izao

Lany ny kandida Indépendant RABEARILALA Sitraka Hersten 800 (29,57%)

Faharoa ny kandidat AVI RAKOTOARIVONY Minosoa Paul 732 (27,07%)

Fahatelo ny Kandidat IRMAR RATEFIARIVONY Jaona 580 (21,44%)

Ny antony nampiova ny vokam-pifidianana araka ny voalazan’ny didim-pitsarana navoakan’ny TA Mahajanga dia novonoana ny biraom-pifidianana miisa 4 izay samy nitarihan’ny Kandida AVI avokoa (EPP Andriamena II salle 1, EPP Andriamena II salle 2, EPP Ambongamarina, EPP Bemavo)

Gaga sy talanjona ka malahelo sy tsy mankasitraka io vokam-pifidianana io ny vahoaka mpifidy tao amin’ny Kaominina Andriamena ka nanao ny DECLARATION D’APPELLE (fanambarana fampiakarana ny 24/01/2025) sy ny REQUETE EN CASSATION (fitoriana fandravana Didy ny 25/02/2025) any amin’ny Conseil d’Etat Antananarivo tamin’ny alalan’ny Kandida AVI RAKOTOARIVONY Minosoa Paul

Nandritra izany dia Tsikaritra ny fisiana taratasy hosoka (FAUX) sy hala-tsonia ary fanambarana tsy marina (FAUSSE DECLERATION) tonga tany amin’ny TA mahajanga ka antony nandraisan’ny TA ny fanapahan-kevitra nanafoanana ireo biraom-pifidianana nitaritan’ny Kandida AVI ireo ka manoloana izany dia nanao fitarainana tany amin’ny TRIBUNAL PENAL Ambatondrazaka izahay (Tribunal misahana ny Tapany atsimon’ny Tsaratanana) mikasika izany hosoka sy halan-tsonia ary fanambarana tsy marina izany.

Efa nisy ny fidinan’ny Huissier de Justice avy ao Ambatondrazaka tany Andriamena ny 20/03/2025 lasa teo naka ny fanambarana nataon’ireo Mambra Biraom-pifidianana sy Chef Fokontany amin’ireo Fokontany voakasiky ny fanafoanana Biraom-pifidianana izay miisa 14 izy ireo samy nanao fanambarana avokoa nanohitra ny taratasy hosoka sy ny fanambarana diso sy nanamarina ny fisiana halan-tsonia voalaza etsy ambony

: Vaovao nampitain’ny Mponina avy any an-toerana

: Raha manana valin-teny ny ankilany, izay efa nohezahina nandefasana hafatra fa tsy namaly, dia iangavianay eto amin’ny fanoratana handiso na hanamarina ity angom-baovao ity.

: Sary nomen’ny Mponina avy any amin’ny Kaominina voatondro etsy ambony