Fampandrosoana ifotony: Tontosa androany faha 19 Aprily 2025, ny fametrahana vato fototra ho fanombohana ny asa fanamboarana birao vaovao ho an’ny Fokotany Salazamay 14/21 izay iadidian’Andriamatoa Orlando Mandimby Hita
Vao roa volana izay no nandraisany ny fitantanana amin’ny maha Filohan’ny Fokotany Salazamay 14/21. Fantatra fa nataony laharam-pahamehana ny fanadiovana ny lakan-drano vaventy izay mirefy 1 kilometatra mahery. Nodiovina ny Boulevard Ratsimilaho manomboka avy eo amin’ny Marina Beach hatreny amin’ny Miou miou Club,eo ihany koa ny fanadiovana ny toerana fipetrapetrahana eo amin’ny fefin’ny Aeroport Ambalamanasy izay hohajariana mba ho toerana mahafinaritra.Anisan’ny fanambiny ny anorenana biraom-pokotany,ka kendrena ho vita afaka efa-bolana izany.Fantatra fa nanolotra simenitra 20 lasaka ho fanampiana amin’ny fanorenana an’io Biraom-pokotany io,Atoa Rakotovao Andry Governoran’ny Faritra Atsinanana Mpisolo toerana.Nanome voninahitra ny lanonana izay natao androany io ny Solotenan’ny VPAN Toamasina sy ny Solotenan’ny Ben’ny Tananan’i Toamasina.Nangonin’i Claudia Tsitolomy Tena Izy
