Mijoro ankehitriny ny sampana miaro ny mpanao gazety eto Madagasikara.
Ahitana ny holafitry ny mpanao gazety (OJM), ny ivon_toeram_pandalinana ny tontolon’ny serasera marolafika eto Madagasikara (ILONTSERA), mpisolovava ary psychologue.
Hanampy ho amin’ny fiarovana ny mpanao gazety anatin’ny fanatanterahana ny asany ity sampana ity.
Hiandraikitra ny fanomezana maimaimpoana toro_hevitra sy fiarovana ary tohana ara_moraly ireo mpanao gazety voatohitohina amin’ny zony sy iharan’ny herisetra na fitoriana eo am_panatanterahana ny asany.
Miandraikitra ny fanapahana momba ireo tranga fanitsakitsahana ny zon’ny mpanao gazety sy ny fikirakirana izany aorian’ny fikaonan_dohan’ny mpikambana rehetra ihany koa ity sampana ity.
Mbola maro tokoa mantsy ireo mpanao gazety iharan’ny tsindry sy herisetra eo am_panatanterahana ny asany eto amintsika.
Mbola any amin’ny laharana faha_100 amin’ny firenena 180 no misy an’i Madagasikara raha ny tatitry ny RSF momba ny fahalalahan’ny asa fanaovan_gazety ny taona 2024.
Nangonin’i M.Elvina
