Olana teny ifotony hatramin’izay ny tsy fanomezana andraikitra ny eny ifotony ka tsy mipetraka ny fampandrosoana ka tonga izy ireo mandray ny andraikiny hoy ny filohany RAJERISON Antoine.
Distrika 25 eto Madagasikara no handraisain’ny FIVOI anjara amin’ny fifidianana kaominaly .
Ahitana kandida 148 , ny 139 amin’ireo efa nahazoana taratasy raha mbola andrasam_baliny avy amin’ny CENI kosa ny 09 ambiny.
Tsy nitady kandida ny FIVOI hoy ny filohany fa ny olona no nanantona azy ireo.
Misy aza efa 10 mahery anaty kaominina iray no naniry hiaraka amin’izy ireo saingy rehefa natao ny fanadihadiana ifotony dia izay mety amin’ny fokonolona ifotony no noraisina.
Tsy izy ireo noho izany no nanendry ny kandida fa ny teny ifotony ary misy fifamatorana mba hisorohana an’ireo mivadibadika.
Tontosa anio sabotsy 05 Oktobra 2024 teny Mandriamena Andoharanofotsy ny fanolorana tamin’ny fomba ofisialy ireo kandidà Ben’ny tanàna sy mpanolotsaina miaraka amin’ny FIVOI manerana an’i Madagasikara.
Nangonin’i M.Elvina
