Nanatanteraka vavaka ho an’ny Firenena ny FFKM(Fiombonan’ny Fiangonana Kristianina Madagasikara) omaly alahady 23 jona 2024,tao amin’ny Paroasy katedraly eto antsirabe. Mpitarika ny Biraon’ny FFKM sampana Antsirabe.
Nizara ny tenin’Andriamanitra ny Pastora Dr RAKOTOVELOMANATSOA Fenonirina Alain FLM(Fiangonana Loterana Malagasy) Antampon-tanàna. Nanentanany ny mpino Kristianina ny iainan’ny malagasy ny fitiavana marina sy tsy manavakavaka na iza, na iza ary mitsinjo ny mahantra.
Ankoatr’izay, nentina am-bavaka manonkana ny mpitandro Filaminana sy ny Foloalindahy mba ho tena « Tandroka Aron’ny Vozona » ka hiaro ny vahoaka sy ny fananany, hampanjaka ny fandriampahalemana manerana ny Nosy ary tsy ho voazarazaran’ny hevitra tsy mitovy.
Tsiahivina hatrany fa 64 taona amin’ny 26 Jona ny fahaleovan-tenan’i Madagasikara.
Nangonin’i HAJA – Vakinankaratra
