𝗔𝗻𝗱𝗿𝗼𝗻’𝗻𝘆 𝗭𝗮𝗻𝗱𝗮𝗿𝗶𝗺𝗮𝗿𝗶𝗮𝗺-𝗽𝗶𝗿𝗲𝗻𝗲𝗻𝗮: 𝗭𝗮𝗻𝗱𝗮𝗿𝗶𝗺𝗮𝗿𝗶𝗮 𝗠𝗶𝗮𝗿𝗼 𝗵𝗼 𝗔𝗻𝘁𝗼𝗸𝘆 𝗻𝘆 𝗙𝗮𝗺𝗽𝗮𝗻𝗱𝗿𝗼𝘀𝗼𝗮𝗻𝗮 𝗜𝗳𝗼𝘁𝗼𝗻𝘆 ( 𝗠.𝗔.𝗙.𝗜)

 

Lohahevitra maromaro no noresahina tamin’izany, toy ny

– Heloka an’habaka

– Fakana ankeriny

– Kolikoly, sy maro tsy voatanisa etoana.

 

Fa anisan’ny loha-hevitra tena nandrasan’ny be sy ny maro ilay teboka voalohany « HELOKA AN’HABAKA » izay hiara-mahalala manoloana ny fihazakazaky ny teknolojia ampiasaina ankehitriny, koa maro amin’ny tanora no mety tsy mahalala hoe heloka izay hatao izay, andaniny koa niandry fatratra ny fanazavana feno mahakasika azy ity ny Mpanao Gazety maro, indrindra fa ireo nentanina manokana hanaraka teo anivon’ny Tambazotra, fa saingy somary nandiso fanantenana kely ihany ny fanazavana mahakasika izany.

Mety tany amin’ny fahateren’ny fotoana (angamba) no olana. Irariana ny hitondran’ieo Mpitandro filaminana fanazavana mahakasika azy io any aoriana, fa tena ilaina mihintsy ny hahalan’ny daholobe an’izany « heloka an’habaka izany ».

 

Fantatra nandritra ny famelabelarana fa misy tokoa ny fifandraisana tsara rindra eo amin’ny Mpanao Gazety sy ny Zandary, na dia misy aza ny indro kely araka ny fanazavana noentin’i Ramatoa Filohan’ny OJM, fa tongo-tapaka, vilany mitongilana iny, ka isika mianakavy no samy manarina azy.

 

Tsampa koa anefa ny hasarotry ny asan’ireo Zandary, indrindra fa ireo misahana ny Serasera manoloana ny famoaham-baovao marolafy ankehitriny, kanefa na izany aza, dia hita ho naneho fahavononana hatrany hisetra ny firiotry ny Teknolojia ankehitriny izy ireo.

 

Tiana ny milaza fa nandeha nivanatana tamin’ny Takelaka :

– InfoCom GN

– Ordre des Journaliste Malagasy

– Feonydemokrasia, iny famelabelarana narahina adi-hevitra iny