𝐌𝐚𝐧𝐝𝐫𝐢𝐭𝐬𝐚𝐫𝐚 – 𝐇𝐨 𝐚𝐳𝐨 𝐚𝐧𝐭𝐨𝐤𝐚 𝐧𝐲 𝐟𝐚𝐧𝐝𝐫𝐢𝐚𝐦𝐩𝐚𝐡𝐚𝐥𝐞𝐦𝐚𝐧𝐚 𝐚𝐦𝐢𝐧`𝐧𝐲 𝐟𝐚𝐫𝐢𝐭𝐫𝐚 𝐥𝐨𝐡𝐚𝐫𝐚𝐧𝐨

✦Nanome tany 1 ha latsaka 30 m ho an`ny zandary ny fokonolona ao Ambaripaika, ho fanamafisana ny fandriampahalemana mihazo loharano iny. Nidina ifotony tany an-toerana ny lehiben`ny vondrotobim-paritry ny Zandarimariam-pirenena Mandritsara & Befandriana avaratra, Andriantsihoarana Hermann Tobiasy, omaly sabotsy 27 aprily ka notoloran`ny fokonolona taratasy fanolorana ny tany. Ny ben`ny tanana any an-toerana no nitarika sy nampahafantatra ny toerana tamin`ny zandary.

 

✦Kaominina maromaro mandrafitra loharano no nangataka hisian`ny tobin`ny Zandary tamin`ny fotoana nitondran`ny Chef d’escadron Ramananga Norbert Gildas « Commandant de Compagnie » teto Mandritsara. Nivaly fangatahana ity amin`izao ka hametrahana zana-tobim-paritra hisahana kaominina ao anatin`ny Loharano.

 

✦Velom-pankasitrahana ny fokonolona manoloana izany. Naneho ny fahavononana ny amin`ny fiarahamiasa eo amin`ny fampandriana fahalemana izy ireo teto.

 

𝑪𝒍𝒂𝒖𝒅𝒊𝒐