Io hariva io no nidina teny amin’ny fiantsoana fiara nasionaly sy rezionaly na ny eny amin’ny » Gare routière » teto amin’ny renivohitry ny faritra Betsiboka ny préfetn’i Maevatanàna sy ny Tale kabinetran’ny faritra, tompon’andraikitra eo anivon’ny Zandarimariam-pirenena, polisim-pirenena, fitaterana, ekipan’ny fahasalam-bahoaka, ben’ny tanànan’ny kaominina Maevatanàna ambonivohitra sy ny maro tsy voatan’isa. Izay nanao ny fanentanana mikasika ny valan’aretina nendra-jako na » MPOX » misy any Mahajanga mba fisorohana ny aretina tsy ho tonga ato amin’ny faritra Betsiboka. Nandritra izany no nanao fampifantarana an’ireo olona sy mpamily teny an-toerana, fa afaka mitsabo maimaimpoana ny tobim-pahasalamana rehetra ato anatin’ny fitaliavam-paritry ny fahasalamam-bahoaka, raha toa ka misy olona sendra marary tampoka, nohon’ny trangan’aretina voalaza etsy aloha. Teo ihany koa dia misy ny fitsirihana ara-pahasalamana natao, tamin’ireo olombelona niala tamin’ny fiara avy an’i Mahajanga manao zotra rezionaly eto Maevatanàna, izay nataon’ireo mpitsabo misahana izany. Nohamafasin’ny préfetn’i Maevatanàna, fa mbola tsy nahitana ity aretina nendra-jako ity ihany koa ny ato anatin’ny faritra Betsiboka. Eto ampamaranana ny lahatsoratra dia tsara hatrany ny mampahafantatra fa tsy azo hatao intsony ny mampidina olona amin’ny fiara fitateram-bahoaka, eny ivelann’ny toeram-piantsoana fiara eto Maevatanàna mba hafan’ireo mpiasan’ny fahasalamana manara-maso ireo mpandeha fiara fitateram-bahoaka sy ny vahiny miditra. Izany dia notarihan’Atoa Vanombe Clavelah Roselan préfetn’i Maevatanàna.
Zandry be Tantely
