Tombanana ho 20 isanjaton’ny malagasy no mpino silamo ary tato anatin’ny 05 taona farany dia nihazakazaka ny fidiran’olona tamin’ny finoana silamo.
Any Diégo,Majunga ary eto Antananarivo renivohitra (67ha) no tena betsaka mpino silamo indrindra eto Madagasikara.
Efa teo amin’ny Arivo taona no nidiran’ny finoana silamo teto Madagasikara ary isany finoana tafiditra voalohany teto amintsika raha ny nambaran’ny mpikambana ao amin’ny Fikambanan’ny Silamo Malagasy (FSM) .
Ity fikambanana ity moa izay niorina nanomboka ny taona 1974 ka mankalaza ny faha_50 taonany amin’ity taona 2024 ity.
Hanamarihana izany ny fifaninanana famakiana koroany masina(Coron) sy ny fizarana loka ary mari-pankasitrahana fanamarihana sy fankasitrahana ireo Ray aman_dreny nahavita be tamin’ny finoana islamo.
Hentanina ny silamo rehetra manerana
Madagasikara mba ho tonga eny amin’ny CCI IVATO ny 24 novembre 2024 amin’ny 08 ora maraina hanatrika ity fankalazana ity.
Voalohany amin’ny tantara lehibe ho an’ny mpino Islamo eto Madagasikara ity fety fankalazana ny faha-50 taonan’ny FSM ity ary manamarika ny tantara nizoran’ ny finoana silamo teto ihany koa.
M.Elvina
