Addis Ababa, Etiopia β Nisokatra taminβny fomba ofisialy tao aminβny foibenβny African Union (AU) ny fivoriana faha-39 anβireo Filoham-panjakana sy Governemanta afrikanina. Fivoriana naharitra roa andro izy ity, nitondra hafatra mazava momba ny firaisankina, ny fahaleovantena ara-bola ary ny fandraisana andraikitra aminβny sehatra iraisam-pirenena.
Rano sy fahadiovana : fototry ny fampandrosoana
Nifantoka taminβny lohahevitra hoe βFiantohana ny faharetanβny fisianβny rano sy ny rafitra fahadiovana azo antoka mba hahatratrarana ny tanjonβny Agenda 2063β ny fihaonana.
Araka ny fanazavanβny Filohanβny Vaomieranβny AU, Mahmoud Ali Youssouf, dia tsy loharanon-karena tsotra ny rano fa fototry ny fampandrosoana sy ny fandriampahalemana. Nambarany fa tonga aminβny fotoana sarotra i Afrika, manoloana ny ady mitohy any aminβny faritra maro sy ny fiovanβny fitondrana tsy ara-dalΓ na.
Nanentana ireo firenena mpikambana izy mba hanafaingana ny fampiraisana ara-toekarena sy ara-politika araka ny vina Agenda 2063, ary hanamafy ny fanavaozana anatiny sy ny fahaleovantena ara-bola, indrindra aminβizao fihenanβny fanampiana avy any ivelany izao.
Fandriampahalemana sy fanavaozana
Naneho firaisankina taminβireo firenena voakasiky ny ady, toy i SodΓ na, ny faritra Sahel, ny atsinananβny RD Congo ary Somalia, ny Vaomieranβny AU. Nohamafisiny fa tsy maintsy hajaina ny lalΓ na iraisam-pirenena mba hahazoana fandriampahalemana maharitra.
Fifandimbiasam-pitondrana
Ny Filohanβi Angola sady Filohanβny AU teo aloha, JoΓ£o LourenΓ§o, no nanokatra taminβny fomba ofisialy ny fihaonana. Notsindriany fa laharam-pahamehana ara-politika sy ara-moraly ny fahazoana rano madio, satria mifamatotra aminβny fahasalamam-bahoaka sy ny fiarovana ara-tsakafo izany.
Nambarany ihany koa fa tsy hisy fampandrosoana raha tsy voavaha ny ady sy ny korontana, ka ilaina ny βfampanginana ny basyβ manerana ny kaontinanta.
Afrika handray anjara aminβny famolavolana izao tontolo izao
Nandritra ny lahateniny, ny Praiminisitra Etiopiana Abiy Ahmed dia nanentana fa tsy tokony ho mpanara-maso fotsiny i Afrika, fa tokony handray anjara mavitrika aminβny famolavolana ny raharaha maneran-tany, indrindra eo aminβny sehatry ny teknolojia sy ny faharanitan-tsaina artifisialy.
Etsy ankilany, ny Sekretera Jeneralinβny Firenena Mikambana, AntΓ³nio Guterres, dia nanamafy ny fiaraha-miasa eo aminβny ONU sy ny AU, ary niantso fanavaozana ny Filankevitra momba ny Fandriampahalemana mba hanana solontena afrikanina matanjaka kokoa.
Voafidy ny Filoha ho anβny 2026
Anisanβny zava-dehibe indrindra taminβity fihaonana ity ny fifidianana ny Filoha vaovao hitarika ny AU aminβny taona 2026. Lany taminβizany ny Filohanβi Burundi, Γvariste Ndayishimiye, izay handimby anβi JoΓ£o LourenΓ§o aminβny fitarihana mihodina.
Ireto avy ny firafitry ny Birao vaovao ho anβny 2026 :
- Filoha : Burundi
- Filoha Lefitra Voalohany : Ghana
- Filoha Lefitra Faharoa : Tanzania
- Filoha Lefitra Fahatelo : (Faritra Avaratra β mbola hohamarinina)
- Mpitantsoratra : Angola
Mitohy ny dinika, mifantoka aminβny fiarovana ny rano sy ny fandriampahalemana manerana anβi Afrika. Mazava ny hafatra nivoaka tao Addis Ababa : mila miray hina sy mijoro aminβny heriny i Afrika, ary manatanteraka aminβny fomba azo tsapain-tanana ny vina Agenda 2063.
