FARITRA : BOENY DISTRIKA : MAROVOAY Tonga nijery ireo traboina tany amin’ny Kaominina 03 ato anatin’ny faritra “Rive gauche”

Tonga nijery ireo traboina tany amin’ny Kaominina 03 ato anatin’ny faritra “Rive gauche”

𝐀𝐧𝐤𝐚𝐛𝐨𝐤𝐚, 𝐌𝐚𝐧𝐚𝐫𝐚𝐭𝐬𝐚𝐧𝐝𝐫𝐲 𝐚𝐫𝐲 𝐀𝐧𝐭𝐚𝐧𝐢𝐦𝐚𝐬𝐚𝐤𝐚 ny Solombavambahoaka 𝐀𝐧𝐝𝐫𝐲 𝐌𝐀𝐑𝐈𝐍𝐃𝐑𝐘 sy Rtoa lehiben’ny distrika sy ireo mpiaramiasa tamin’ny androny Talata faha 10 febroary 2026 lasa teo .

Hoan’ny Kaominina ANKABOKA dia teto amin’ny lapan’ny tanàna no nihaonany tamin’ireo traboina ary nanomezany ireo fanampiana ara-tsakafo maro toy ny vary sy vaomaina izay avy amin’ny fitondram-panjakana ary ny ireo fanomezana maro izay avy amin’ny Solombavambahoaka manokana toy ny Macaroni sy menaka sy ronono ary siramamy sy ireo fanomezana maro samy hafa, faly sy nankasitraka moa vahoaka teto ANKABOKA izay nisolon’i Atoa ben’ny tanàna tena satria tsy nahatsiaro irery izy ireo raha azon’ny voina fa manana Ray aman-dreny manampy azy ireo,

Raha hoan’ny Kaominina Manaratsandry indray dia teto amin’ny biraon’ny délégué no toerana nihaonan’i Atoa Solombavambahoaka tamin’ireo traboina maro be ka nitafany tamin’ireo traboina sy nihenoana azy ireo izay nilazan’izy ireo ny takaitra azon’izy ireo tamin’ny voina nahazo azy ireo mba hitadiavana vahaolana maika ary ihany nanolarana ireo fanampiana maro izay avy amin’ny fitondrana-panjakana sy avy amin’i Atoa Solombavambahoaka tsy adino koa teto ny nanolotra baolina sy ondry ary lelavola hoan’ireo fikambanam-behivavy izay hoentin’izy ireo manomana ny fifaninanana baolina kitra amin’ny 08 Martsa hoavy izao;

Teto Maroala Kaominina ANTANIMASAKA no namaranan’i Atoa Solombavambahoaka ny famangiana ireo traboina, ity Kaominina ity izay anisan’ireo nitondra takaitra mafy tamin’ny fandalovan’ny rivodoza FYTIA iny ka izany no nahatonga an’i Atoa Solombavambahoaka nidodo sy nitondra izay voatsirambin’ny tanana hoan’ireo traboina, fotoana koa teto nitafana manokana tamin’ireo sokajin’olona maro eto amin’ity Kaominina ity izay nihenoina ny maharary azy ireo ary namaliana ireo fanontaniana maro nanitikitika azy ireo,

Tsy ireo Kaominina ireo ihany anefa no handalovana sy hahazo ireo fanampiana ireo araka nambaran’Atoa Solombavambahoaka fa ireo Kaominina izay hita fa voa mafy sy ireo izay misy traboina rehetra ato anatin’ny Distrikan’ny Marovoay ary nambarany ihany koa fa mbola maro ireo fanampiana hoavy izay avy aminy sy avy amin’ny fitondram-panjakana.