Misy mifofo ny ain’ny sasantsasany amin’ireo kandidà ka nandray fepetra ny fibaikoana ny mpitandro filaminana hanome mpiambina manokana ho azy ireo. Natao hiambina an’ireo kandidà 13 isa, ny fianakaviany ary ny tranony moa ireo Mpiambina manokana ireto.
Misy tompon’andraikitra hiresaka amin’izy ireo hahafahany misafdy izay mpiambina hiaraka aminy.
Fantatra ihany koa fa mila mangataka fahazoan- dalana eny amin’ny Prefet ny fanaovana fihetsiketsehana ka arovan’ny mpitandro filaminana ny hetsika amin’izay toerana tendren’ny Prefet.
Na ny mpanao fihetsiketsehana tsy nahazoana alalana, na ireo mpanao fampielezan- kevitra dia samy tsy avelanay miditra eo amin’ny kianjan’ny 13 mai hoy hatrany ny fanazavana nomen’ireto tandroka aron’ny vozona ireto.
Manoloana ireo Mpitandro filaminana mibirioka kosa dia nambara fa efa an- dalana manitsy azy ireny izahay sy mandray ny fepetra manodidina izay hoy hatrany izy ireo.
Andrasana ny tohin’ny tantara …
© Maingoka Mahery
