𝐀𝐌𝐁𝐎𝐀𝐒𝐀𝐑𝐘-𝐒𝐔𝐃 : 𝐅𝐀𝐍𝐀𝐌𝐏𝐈𝐀𝐍𝐀 𝐈𝐑𝐄𝐎 𝐓𝐑𝐀𝐁𝐎𝐈𝐍𝐀 𝐕𝐎𝐊𝐀𝐓𝐑𝐘 𝐍𝐘 𝐇𝐀𝐈𝐍-𝐓𝐑𝐀𝐍𝐎

Anisan’ny fanampiana natolotra tamin’izany ny vary 40 gony, koveta 100, siny 100, singa 108 ary sotro 500. Ireo fanampiana ireo dia nalefan’ny Minisitra tamin’ny alalan’ireo mpiara-miasa akaiky aminy eto amin’ny Faritra Anôsy, dia ny Mpanolotsaina sy ny Tale-paritry ny Harena an-kibon’ny Tany eto Anôsy.

Nanatrika ny fotoana fanolorana ireo fanampiana ihany koa ny Lehiben’ny Distrikan’i Amboasary-Sud, niaraka tamin’ireo tomponandraikitra sy solontenan’ireo traboina.

Naneho fisaorana sy fankasitrahana ny solontenan’ireo fianakaviana traboina noho izao fanampiana izao, izay tonga hanohana azy ireo ao anatin’ny fahasahiranana sedrain’izy ireo taorian’ny hain-trano.

Ho an’ireo traboina, dia tsy amin’ny maha-Minisitry ny Harena an-kibon’ny Tany azy ihany no isaorana ny Minisitra, fa indrindra amin’ny maha-mpiahy ny Faritra Anôsy azy, noho ny fandraisany andraikitra sy ny fahatongavan’izao fanampiana izao ho an’ireo vahoaka niharam-boina.