Fa Ianao no fanantenako, Jehovah Tompo o, ry tokiko hatry ny fony aho mbola tanora. » Salamo 71.5
Misaotra an’Andriamanitra lehibe tamin’ny fandaharany ary misaotra sy mankasitraka anareo vahoakan’Avaradrano tsy vaky volo tamin’ny fametrahana fitokisana taminay ka nifidiananareo ahy ho mpisolovava anareo eny anivon’ny Antenimieram-pirenena!
Anterina manokana ny fisaorana ny Vovonana FIRAISANKINA sy ny antoko Tiako i Madagasikara izay nanolotra anay ho Kandida teto Avaradrano.
Eo ihany koa ianareo Kômity Mpanohana manerana ny Kaominina 16 sy ireo fikambanana isan-karazany ary ianareo mpandraharaha/olon-tsotra tamin’ny fanohanana anay Kandida na ara-kevitra na ara-bola na ara-pitaovana, nandritra ny fampielezan-kevitra sy tamin’ny andron’ny fifidianana ka hatraty amin’ny fanangonana ny vokatra!
Ny FIRAISANKINANTSIKA rehetra no nitondra izao fandresena goavana ho antsika izao koa manome toky anareo ny tenako fa tsy handraraka ilo mby an-doha ny fahatokisana napetrakareo tamiko ary hijoro ho tena
Solombavambahoaka marina sy hanao izay tandrify ahy hampandrosoina an’Avaradrano mamintsika!
