Dahalo iray fanta-daza mpamerin-keloka @ fanafihana mitam-piadiana atsoina hoe Nary volomborona izay efa nokarohina hatrin’ny ela no itan’ny mponina niaodiaody teto Andraitsimiemona Ambohibary Arivonimamo ny alin’ny 18 mai 2024 lasa teo.
Niantso ny mpitandro ny filaminana aviatrany ireo mponina ka nifanehitra teo @ fidiranana ny tanana ilay dahalo sy ireo zandary.
Nitifitra aviatrany moa ity dahalo ity ary namaly ny mpitandro ny filaminana ka voa tao amin’ny lamosiny i Nary Volomborona . Nohon’ny fahaverezan-dra be loatra dia tsy tana intsony ny ain’ilay Dahalo ; tratra teny @ny mazavahoazy ny basy vita gasy iray ary nahitana taim-bala calibre 12 ihany koa teo @ny manodidina rehefa natao ny savahao.
Taorian’ny fizahana nataon’ny mpitsabo no nanolorana ny razana tamin’ny Fianankaviana raha toa ka niroso tamin’ny fampandrenesana ny tonia mpampanao lalàna ao Imeritsiatosika ny zandary eto an-toerana Nangonin’i Malala Tsa
