Tanterahina eto Fianarantsoa,mandritra ny 2 andro ,manomboka androany alakamisy 25 avril 2024 ity ny atrik’asa fampahafantarana ny Fitsarana Avo momba ny Lalàm-panorenana ,ny andraikiny sy ny Fahefana Mpitsara ao anatiny. Izay atrehan’ireo tompon’andraiki-panjakana eto an-toerana,nanasàna ireo kandida milatsaka ho fidiana ho solombavambahoaka avy amin’ny Faritra ato anatin’ny Faritany Fianarantsoa , miaraka amin’ireo mpanao politika sy mpisehatra amin’izany.
Nampahafantarina tao anatin’izany ny fahefana sy ny andraikitry ny Fitsarana Avo momba ny Lalàm-panorenana,ao anatin’ny raharaham-pifidianana.
Nampitsiahivina tao koa ireo andinin-dalàna mifehy ny olom-panjakana sy ny fitaovam-panjakana ary ireo kandida anatin’ny fifidianana.
Hisy ihany koa ny varavarana misokatra sy valan-dresaka ho an’ireo mpianatra lalàna eny anivon’ny anjery manontolo
Nitarika ny fotoana ny mpanolo-tsain’ny Fitsarana avo momba ny Lalàm-panorenana. Vonona ny HCC ny hanao zavatra araka ny lalàna mba hisian’ny mangarahara , hoy hatrany izy ireo.
Nangonin’i Ando RAFAHATELO
