Tontosa androany 10 Janoary 2023 tetsy amin’ny foibe misy ny BNGRC ny lanonana Ofisialy nanoloran’ny Masoivohon’ny Sina entim-bahoaka miasa sy monina eto Madagasikara hoan’ny governemanta malagasy amin’ny alalan’ny BNGRC, fanampiana ara-tsakafo ho an’ireo tradoza vokatry ny fandalovan’ny rivodoza ALVARO. Nohamafisin’ity Masoivohon’ny Repoblika Entim-bahoakan’i Sina eto Madagasikara ity ny fifamatoran’ny firahalahiana sy ny fiaraha-miasa eo amin’ny firenena roa tonta tamin’ny alalan’ny fanolorana tamin’ny fomba ofisialy ireto fanampiana ara-tsakafo ireto ho an’ny (BNGRC) eto Madagasikara. Fantatra fa vary milanja 23 taonina, tsaramaso fotsy 4 taonina, ary menaka fahandro 920 litatra no natolotra ho fanohanana ireo olona tradoza sy tratry ny rivodoza farany teo.Fa ankoatr’izay, dia nisy ihany koa fifanaovan-tsonia teo amin’ny roa tonta tamin’izany fanomezana izany sy ho tohin’ny fiaraha-miasa ao afara.
Tiana ny manamarika, fa ny Sina, nanap tan-tsoroka hatrany hoan’ni Madagasikara nandritr’ireny loza ara-boajanahy nandalo sy niseho teto amin’ny firenena ireny.
Nangonin ‘Lay Mahintsy
