Notanterahina ny sabotsy faha 16 Desambra 2023 lasa teo teny Talata volonondry ny Assemblé Général Ordinaire NY SMMEC ny, ( AGENCE TAMBATRA.)
Ny SMMEC, dia fanafohizana ny hoe Société Malagasy Mutualiste d’Epargne et de Crédit,
Maro no lohahevitra nodiniana tao ;
- toy ny tatitra ara bola ny taona 2022 (vina 2024) ,
- fankatoavana ny vokatry ny vokatry ny fitantanan’ny olom-boafidy sy ny maro tsy voatanisa etoana
Fa ankoatr’ireo tatitra isan-karazany ireo, dia tamin’io fotoana i ihany koa no nitondran’ireo Mpikambana ny hetaheta sy ny maharary azy ireo teo anatrehan’ireo Mpikambana marobe.
velo-taraina koa izy ireo noho ny fanemorana lava nyfotoama-pifidianana hatrany , satria fantatra fa tokony natao ny Volana Novambra 2023 lasa teo kanefa dia nahemotra, ary nahemotra hatrany. Nohamarin’ireo nandray fitenenana rehetra anefa fa efa tapitra tanteraka ny fotoam-piasan’ireto Mpitantana ireto, manoloana izany indrindra dia mitaky ny hisian’ny hanaovana ny fifidianana haingana arak’izay azo hatao izy ireo.
Manoloana an’io fitazaroan’ny tsy fisian’ny fifidianana io, dia lasa miteraka tsy fahatokisana an’ireto Mpitantana ireto ireo maro an’isa ato anatin’ny fikambanana,vokany somary niteraka savorovo kely nandritra ny fotoam-pivoriana izany.
Nilamina ihany mo any raharaha rehefa ela nifampiresahana ny andaniny sy ny ankilany.
Nirava ny fivoriana rehefa nipaika ny tamin’ny 2.30 tolak’andro, amin’ny ankapobeny nilamina iny fivoriana iny. Vita avokoa ny tatitra nokasain’ireo Birao Mpitantana natao.
Nangonin’i ‘Lay Mahintsy
