Fiaraha-monina PΓ΄litika

𝑫𝒓 π‘¬π’…π’Žπ’π’π’… (𝑬𝒅1) : 𝑭𝑰𝑻𝑰𝑨𝑽𝑨𝑡- 𝑻𝑨𝑡𝑰𝑡𝑫𝑹𝑨𝒁𝑨𝑡𝑨 𝑡𝑢 𝑡𝑨𝑡𝑢𝑺𝑰𝑲𝑨 𝑨𝑯𝒀 𝑯𝑨𝑡𝑢𝑹𝑰𝑡𝑨 𝑻𝑢𝑩𝑰𝑡’𝑡𝒀 𝒁𝑨𝑡𝑫𝑨𝑹𝑰𝑴𝑨𝑹𝑰𝑨

Posted on dΓ©cembre 4, 2023 at dΓ©cembre 4, 2023 by feonydemokrasia
324 0
πŸ‡²πŸ‡¬ 𝑫𝒓 π‘¬π’…π’Žπ’π’π’… (𝑬𝒅1) : 𝑭𝑰𝑻𝑰𝑨𝑽𝑨𝑡- 𝑻𝑨𝑡𝑰𝑡𝑫𝑹𝑨𝒁𝑨𝑡𝑨 𝑡𝑢 𝑡𝑨𝑡𝑢𝑺𝑰𝑲𝑨 𝑨𝑯𝒀 𝑯𝑨𝑡𝑢𝑹𝑰𝑡𝑨 𝑻𝑢𝑩𝑰𝑡’𝑡𝒀 𝒁𝑨𝑡𝑫𝑨𝑹𝑰𝑴𝑨𝑹𝑰𝑨 πŸ‡²πŸ‡¬
Hoy ny 𝑫𝒓 𝑹𝑨𝑲𝑢𝑻𝑢𝑴𝑨𝑳𝑨𝑳𝑨 π‘¬π’…π’Žπ’π’π’…, Mpikaroka Raokandro Malagasy, fantan-daza tamin’ny famoronana ny fanafody 𝐄𝐝1: Β Β» Fanorenana Tobin’ny Zandarimaria hitsinjovana ny Fandriampahalemana hoan’ny Vahoaka ety ifotony no hitako ho fanehoana ny π‘­π’Šπ’•π’Šπ’‚π’—π’‚π’-π’•π’‚π’π’Šπ’π’…π’“π’‚π’›π’‚π’π’‚ fa tsy fihetsiketsehana andalam-be hitondra korontanaΒ Β».
 
Manasa antsika hanjoy ny horonan-tsary mirakitra ny Fampitam-baovao, mahakasika ny fandalovan’Andriamatoa π‘±π’†π’π’†π’“π’‚π’π’š (𝒆𝒓) π‘Ήπ’Šπ’„π’‰π’‚π’“π’… 𝑹𝑨𝑽𝑨𝑳𝑢𝑴𝑨𝑡𝑨𝑡𝑨, Filoham-panjakana Mpisolo toerana, tany Ambohimahafahana Miarinavaratra, Fandriana, Amoron’i Mania.
πŸ‡²πŸ‡¬ AMBOHIMAHAFANA MIARINAVARATRA : FITSIDIHANA NY FIVOARAN’NY FANORENANA NY TOBIN’NY ZANDARIMARIA NOMEN’I Dr EDMOND (ED1) πŸ‡²πŸ‡¬
Vaindohan-draharaha amin’ny Fitondram-panjakana ny fametrahana Fandriampahalemana hoan’ny Vahoaka eny ifotony, ka nifanomezan-tΓ nana tamin’Andriamatoa RAKOTOMALALA Edmond Alfred (Ed1) izay nanorina ny Tobim-paritry ny Zandarimaria ao Ambohimahafana, kaominina Miarinavaratra, distrika Fandriana, faritra Amoron’i Mania. Izy izay fantatry ny rehetra fa Mpikaroka momba ny Raokandro Malagasy namorona ny fanafody ED1.
Tonga nitsidika sy nijery ifotony ny fivoaran’ny fanorenana izany fotodrafitrasa izany, Andriamatoa jeneraly Richard RAVALOMANANA, Filoham-panjakana mpisolo toerana mivady sy ny Jeneraly Andry RAKOTONDRAZAKA, Komandin’ny Zandarimariam-pirenena ; ireo Tomponandraikitra ambony maro toa an’Andriamatoa PrΓ©fet Ambositra, Ramatoa Governoran’ny faritra Amoron’i Mania, ny Jeneraly Komandin’ny EGNA, ny Jeneraly Komandin’ny CIRGN Fianarantsoa, Ramatoa Lehiben’ny distrika Fandriana, Andriamatoa Talem-paritry ny Filaminam-bahoaka, ireo Manamboninahitra maro; ary ireo fokonolona aman’arivony, notronin’ireo FIVAZA.
Raha natao ny tombana dia efa hadiva ho vita ny asa lehibe amin’ny fanorenana saingy pitsopitsony ho fanaraham-penitra amin’ny maha-Toby Miaramila azy sisa no atao lavorary. Tsy hitazam-potsiny araka izany ny Fitondram-panjakΓ na sy ny Zandarimaria fa hifanolo-tΓ nana hahavita soa aman-tsara ny fanamboarana atao sy fampitaovana izany Toby izany.
Ankasitrahana manokana izao fihetsika hanan-tantara eo amin’ny distrikan’i Fandriana sy eo anivon’ny Zandarimaria izao, dia ny fiaraha-misalahy ho amin’ny Fandriampahalemana.
Loharano nanovozana : InfoCom Seg

feonydemokrasia

Related Post