Maevatanána: Nanolotra jiro mandeha amin’ny herin’ny masoandro miisa 200 amin’izao fanomanana ny fankalazana ny fetim-pirenena izao ny lehiben’ny faritra Betsiboka.
Tafiditra ao anatin’ny politikam-panjakanan’ny Fanavaozana ny fijerena ny vahoaka amin’ny tokony hisitrahan’izy ireo fahazavana, amin’ny mety hateraky ny haizina noho ny fahapan-jiro. Izay indrindra no nisian’ny fampifantarana tamin’ny alalan’ny fanolorana jiro mandeha amin’ny herin’ny masoandro, tao anatin’ny fefiben’ny lapan’ny faritra Betsiboka ny anio hariva, tokony tamin’ny 05 ora latsaka. Natao moa ity hetsika ity mba hanatsarana ny fahazavan’ny tanàna, amin’izao fanomanana ny fankalazana ny fetim-pirenena 
izao no hiadiana amin’ny lafin’ny tsy fandriam-pahalemana amin’ny fanararaotana ataon’ireo olon-dratsy ihany koa izany. Tazana nanome voninahitra ny fizarana ny jiro mandeha amin’ny herin’ny masoandro nomen’Atoa TOMBOZARA lehiben’ny faritra Mpisolo toerana, ho an’ny mponina ato anatin’ny kaominina Maevatanàna ambonivohitra, ireo mpiara-miasa eo anivon’ny fiadidian’ny faritra Betsiboka. Eto am-pamaranana ny lahatsoratra dia tsara ny mampahafantatra, fa hoezahin’Atoa lehiben’ny faritra aty an-toerana, hipaka any amin’ny kaominina rahavavy rehetra mandrafitra ny Betsiboka ny fanomezana fahazavana, raha ny nambarany hatrany teto.
Zandry be Tantely
