ยซย Efa an-taonany maro no nisian’ny fifandraisana ara-barotra sy ara-toekarena teo amin’i Madagasikara sy Maorisy. Hatramin’izay anefa dia tsy nisy rafitra na ยซย structureย ยป ara-dalร na kokoa nampifandray ireo mpisehatra ara-barotra eo amin’i Madagasikara sy Maorisy ireoย ยปraha nambaran’ Atoa Rojo Andrianasolo, Filohan’ny chambre de commerce Maurice-Madagascar sy ny AIOCCI. Ny hametraka io rafitra io no antom-pisian’i chambre de commerce Maurice-Madagascar amin’izao fotoana. Hetsika iray ahafahana manitatra ny tontolo ara-barotra sy ara-toekarena eo amin’ny roa tonta ny Moris-mada business connect izay tanterahana eto Madagasikara ny 2 hatramin’ny 5 Jolay 2026. Mpandraharaha Maorisiana 50 eo ho eo avy amin’ny sehatra maro no hoavy mandritra ny hetsika. Hijery ny harena sy vokatra mampiavaka an’i Madagasikara, hijery ny fomba ahafahana mifanampy na ara-traikefa, ara-pahalalana na ara-pitaovana indrindra amin’ny resaka fambolena sy fiompiana. Akoatr’izay hisy ihany koa ny fitsidihana ny faritra soavinandriana, kaoferansa, panel, rencontre BtoB,… Manodidina ny 250 tapitrisa dolara ny ยซย investissementย ยป hoavy amin’io fotoana io, izay avy amin’ny sehatra rehetra ary asa 12.000 amin’ny sehatra maro samihafa no antenaina hisokatra. Tanjona ny hanamafy ny fifandraisana ara-toekarena eo amin’i Madagasikara sy Maorisy mba hisian’ny fifandanjana ara-barotra sy ara-toekarena ary ny tontolon’ny ยซย investissementย ยป eo amin’ny roa tonta.
