Manamafy ny ady aminโny fanapahan-doha sy ny fiarovana ny ankizy marefo ny fitondrana
Mihamafy hatrany ny ahiahy sy ny tebitebinโny mponina manoloana ny fitomboanโireo tranga fanapahan-doha mahakasika ireo ankizy varira any aminโny faritra maro eto Madagasikara. Ho setrinโizany toe-javatra mampanahy izany dia nanambara fepetra vaovao ny Filohanโny Fanavaozana, izay mikendry ny hanamafisana ny fiarovana sy ny fikarakarana ireo ankizy lasibatra.
Araka ny fanazavana navoakany, dia hisy toerana manokana hatsangana handraisana ireo ankizy varira mba hiantohana ny fiarovana sy ny fahasalamany. Efa voafaritra sahady ny tany hanatanterahana izany tetikasa izany, ary tsy ho ela ny hanombohanโny asa fananganana.
Toerana feno fotodrafitrasa sy fiarovana
Tsy ho toeram-ponenana tsotra ihany anefa no hatsangana. Nambaranโny Filohanโny Fanavaozana fa hisy sekoly, chapelle ary fotodrafitrasa ilaina aminโny fiainana andavanandro ao anatinโio toerana io. Hatao laharam-pahamehana ihany koa ny filaminana, ka hisy miaramila, zandary na polisy hiandraikitra ny fiambenana sy ny fiarovana ireo ankizy sy fianakaviana hipetraka ao.
Tanjona aminโizany ny hamoronana tontolo azo antoka sy milamina, ahafahanโireo ankizy varira miaina sy mianatra tsy misy tahotra.
Tranga nahoraka tany Toliara: olona valo nosamborina
Etsy ankilany, niteraka resabe ny raharaha fanapahan-doha ankizy varira nitranga tany Toliara. Raha ny tatitra voaray dia olona valo no voasambotra sy atao famotorana aminโizao fotoana izao, ary karandoha roa no voalaza fa tratra nandritra ny fanadihadiana.
Mahavariana fa ahitana olona avy aminโny sokajinโasa sy sehatra samihafa ireo voarohirohy, anisanโizany ny ombiasy roa, mpianatra eny aminโny oniversite, mpiasam-panjakana ary olon-tsotra.
Mitaky mangarahara aminโny fanadihadiana
Manoloana ny fahamaroanโny resaka sy ny tombantombana miparitaka, dia nanao antso avo aminโireo tomponโandraikitra misahana ny fanadihadiana ny Filohanโny Fanavaozana mba hampahafantatra aminโny fomba mangarahara ny valinโny fanadihadiana.
Nohamafisiny fa manan-jo hahafantatra ny marina ny vahoaka Malagasy, indrindra raha misy olona manana andraikitra ambony na manam-pahefana voarohirohy aminโity raharaha ity.
Toromarika hentitra ho anโny mpitandro filaminana
Nandritra izany dia nanome toromarika mazava ho anโireo tomponโandraikitra rehetra, indrindra ny mpitandro filaminana, ny Filohanโny Fanavaozana mba handray andraikitra feno sy hentitra aminโny ady aminโireo tambajotra sy olona voarohirohy aminโny herisetra atao aminโireo ankizy varira.
Mampitombo ny ahiahinโny mponina mantsy ny fitranganโireo raharaha fanapahan-doha misesisesy tato anatinโny fotoana vitsy, ka mitaky fandraisana andraikitra haingana sy mahomby avy aminโny fanjakana sy ny rafitra mpampihatra lalร na.
Raha mbola mitohy ny fanadihadiana momba ireo raharaha mampihorohoro ny sainโny maro, dia manome fanantenana ny fikasana hanangana toerana manokana hiarovana ireo ankizy varira. Mbola andrasanโny vahoaka kosa ny fahafantarana ny marina rehetra sy ny fanasaziana ireo tomponโantoka, mba hahafahanโny filaminana sy ny fahatokisanโny olom-pirenena miverina indray.
Nangonin’ Lay Mahitsy
