𝗧𝗼𝗷𝗼 𝗥𝗔𝗠𝗜𝗟𝗜𝗔𝗡𝗧𝗔𝗥𝗜𝗡𝗧𝗦𝗢𝗔 𝗜𝗦𝗔𝗡’𝗜𝗥𝗘𝗢 𝗞𝗔𝗡𝗗𝗜𝗗𝗔 𝗛𝗜𝗦𝗢𝗟𝗢𝗧𝗘𝗡𝗔 𝗡𝗬 𝗠𝗣𝗔𝗡𝗔𝗢 𝗚𝗔𝗭𝗘𝗧𝗬 𝗔𝗢 𝗔𝗠𝗜𝗡’𝗡𝗬 𝗖𝗘𝗡𝗜

𝗜𝗦𝗔𝗡’𝗜𝗥𝗘𝗢 𝗞𝗔𝗡𝗗𝗜𝗗𝗔 𝗛𝗜𝗦𝗢𝗟𝗢𝗧𝗘𝗡𝗔 𝗡𝗬 𝗠𝗣𝗔𝗡𝗔𝗢 𝗚𝗔𝗭𝗘𝗧𝗬 𝗔𝗢 𝗔𝗠𝗜𝗡’𝗡𝗬 𝗖𝗘𝗡𝗜

——–

𝗞𝗮𝗻𝗱𝗶𝗱𝗮 – 𝗮𝗳𝗮𝗸𝗮 𝗵𝗶𝘀𝗼𝗹𝗼𝘁𝗲𝗻𝗮 𝗻𝘆 𝗠𝗽𝗮𝗻𝗮𝗼 𝗚𝗮𝘇𝗲𝘁𝘆 𝗲𝗼 𝗮𝗻𝗶𝘃𝗼𝗻’𝗻𝘆 𝗖𝗘𝗡𝗜 𝗻𝘆 𝗻𝗮𝗺𝗮𝗻𝗮 𝗺𝗽𝗮𝗻𝗮𝗼 𝗴𝗮𝘇𝗲𝘁𝘆 𝗧𝗼𝗷𝗼 𝗥𝗔𝗠𝗜𝗟𝗜𝗔𝗡𝗧𝗔𝗥𝗜𝗡𝗧𝗦𝗢𝗔

——-

Tanterahana ny zoma 10 Aprily izao ny fifidianana izay ho solontenan’ny mpanao gazety eo anivon’ny CENI. Miisa 41 ireo mpifidy #manokana hanatanteraka izany izay ahitana ny Filohan’ny holafitra teo aloha, ny mpikambana ao amin’ny Ct OJM nasionaly sy ny mpandrindra rezionaly ary ireo mpandrindram-paritra miisa 24.

Isan’ireo kandidà amin’izany ny namana mpanao gazety Tojo RAMILIANTARINTSOA – izay mpanao gazety amperinasa nahafeno ny fepetra takian’ny mpikarakara an’io fifidianana io.  » Tao anatin’izay 20 taona latsaka kely nidirana nanaovana gazety izay dia maro ny traikefa azo entina sy hijoroana ary hitondrana ny anjara biriky ao anatin’io CENI io. Vonona isika hisolontena ny mpanao gazety ao anatin’izany  » , araka ny fanazavana fohy

nentiny.

Filohan’ny fikambanan’ny mpanao gazety an’habaka eto Madagasikara i Tojo RAMILIANTARINTSOA ( APPEL) . Efa mpanao gazety nanomboka ny taona 2008 ary niasa ho mpanao gazety nikirakira ny ara-politika tamina orinasan-gazety maro. Efa tonian-dahatsoratra tamina trano fanaovan-gazety maromaro ihany koa ary ankehitriny dia mpanao gazety amperinasa sy talen’ny famoahana ny gazety Ledefi.Mg.  » Niainako sy nandalovako avokoa ny karazam-pifidianana nisy teto amin’ny firenena. Tsy nijanona ho mpampita vaovao fotsiny aho fa niezaka nitondra ny hetahetam-bahoaka tamin’ny alalan’ny lahatsoratra sy ny reportage – indrindra ny vaovaom-pifidianana nifandimby teto. Vonona isika hitondra ny fahaiza-manao rehetra norantovina teto an-toerana na tany ivelany entina hijoroana sy hanatanterahana izany andraikitra izany raha isika no voasafidy amin’izany  » , hoy hatrany ny fanazavany.

Tsara ny manamarika fa manampahaizana momba ny Serasera nivoaka teny amin’ny Oniversiten’Antananarivo i Tojo Ramiliantarintsoa ( Master en Communication ) ary nandrato fiofanana maro momba ny asan-gazety sy tamin’ny sehatra marolafy toa ny fitantanan-draharaham-panjakana, ny lalàna , ny haitao sy ny teknolojia vaovao. Efa mpanolotsaina sy mpikambana tao anatina kabinetrana ministera maromaro ihany koa ary imbetsaka nifanakalo traikefa tamin’ireo mpisehatra iraisam-pirenena ihany koa.

Ireto avy ireo kandidà enina afaka hiatrika ny fifidianana, araka ny filaharany :

Marc Antoine

Rakotoarisoa Anitra

Rabekijana Félix

Ramiliantarintsoa Tojo

Rakotonirina Gérard

Randrianindrina Zoelson