𝐀𝐧𝐭𝐚𝐧𝐢𝐧𝐚𝐫𝐢𝐯𝐨 𝐤𝐞𝐥𝐲/𝐀𝐧𝐭𝐬𝐢𝐚𝐟𝐚𝐛𝐨𝐬𝐢𝐭𝐫𝐚: 𝐅𝐢𝐚𝐫𝐚 𝟒𝐗𝟒 𝐯𝐨𝐚𝐝𝐨𝐧𝐚𝐧’𝐧𝐲  » 𝐂𝐚𝐦𝐢𝐨𝐧 𝐬𝐞𝐦𝐢-𝐫𝐞𝐦𝐨𝐫𝐪𝐮𝐞. » 𝐍𝐢𝐚𝐫𝐚 𝐧𝐢𝐥𝐚𝐭𝐬𝐚𝐤𝐚 𝐭𝐚𝐧𝐲 𝐚𝐧𝐚𝐭𝐲 𝐚𝐧𝐭𝐬𝐚𝐧𝐚, 𝐦𝐩𝐚𝐦𝐢𝐥𝐲 𝐢𝐫𝐚𝐲 𝐧𝐨 𝐦𝐚𝐭𝐲 𝐭𝐬𝐲 𝐭𝐫𝐚-𝐝𝐫𝐚𝐧𝐨, 𝐨𝐥𝐨𝐧𝐚 𝐞𝐧𝐢𝐧𝐚 𝐧𝐚𝐫𝐚𝐭𝐫𝐚.

Raha ny angom-baovao voaray hatrany dia fiara tsy mataho-dalana na fiara 4X4 avy eto Maevatanàna no nanaraotra nitondra olona hihazo any Toamasina, satria efa in-droa amin’izao no mandeha maka  » Letchi  » any an-toerana ity fiara ity, ka nifanehitra tampoka tamin’ny Camion semi-remorque avy any Antananarivo nitondra entana hian’Avaratra no volaza fa nisasasa nandeha mafy, tao anaty fiolanana. Nijanona nalaky tamin’ny sisin’arabe hatrany ny fiara tsy mataho-dalana, raha sendra nahatazana izany. Saingy mbola voadonan’ny fiara vaventy ihany no niara nilatsaka tany anaty antsana mandeha 16 metatra miala ny arabe, ka mpamily ny  » Camion semi-remorque no maty tsy tra-drano. Naratra tsy nahatsiaro tena kosa ny mpamily mpanampy tao, ary olona niisa efatra niaraka tamin’ny fiara tsy mataho-dalana sy ny mpamilin’io fiara io naratra.

Taorin’izay dia niara nifanome tanana ny ben’ny tanàna any kaominina volaza etsy aloha sy ny Zandary, tamin’ny fitondrasana an’ireo olona naratra ireo, teny amin’ny CHRR Maevatanàna, rehefa tsy vita tany amin’ny CSB II Antsiafabositra ny fitsaboana azy ireo. Zazakely iray no anisan’ireo naratra tamin’izany.

Eto ampamaranana ny lahatsoratra dia tsara hatrany mampahafantatra fa miisa roa ny olona mbola tsy mahatsiaro tena, tamin’ireo naratra nandritra lozam-pifamoivoizana niseho no manao zotra Antafia sy Maevatanàna ihany koa ny fiara tsy mataho-dalana tra-doza, izay potika niaraka tamin’ilay  » Camion semi-remorque tany anaty antsana, saingy misy Zandary miandry hatreto, ireo fiara sy ny entana any amin’ny toerana nisehoan’ny loza.