𝐀𝐌𝐁𝐀𝐓𝐎𝐋𝐀𝐌𝐏𝐘 — 𝐈𝐍𝐓𝐄𝐑𝐍𝐄𝐓 𝐌𝐀𝐈𝐌𝐀𝐈𝐌-𝐏𝐎𝐀𝐍𝐀 𝐇𝐎 𝐀𝐍’𝐍𝐘 𝐌𝐏𝐈𝐀𝐍𝐀𝐓𝐑𝐀

Ambatolampy — Natao ho fanohanana ireo mpianatra sy tanora amin’ny sehatry ny fianarana sy fikarohana, dia nampidirina tamin’ny fomba ofisialy ny internet maimaim-poana ao amin’ny Commune Urbaine Ambatolampy, vokatry ny fiaraha-miasa teo amin’ny Ben’ny Tanàna Mika Rakotomalala sy ny Mouvement GASIKARA.

Nanolotra Starlink V4 miisa roa ny fikambanana, izay napetraka ao amin’ny Tranomboky Haute Ville sy eo amin’ny Tsangambato, ary efa natomboka ny fampiasana azy nanomboka tamin’ny Alarobia lasa.

𝐎𝐫𝐚 𝐟𝐚𝐦𝐩𝐢𝐚𝐬𝐚𝐧𝐚 𝐧𝐲 𝐢𝐧𝐭𝐞𝐫𝐧𝐞𝐭 𝐦𝐚𝐢𝐦𝐚𝐢𝐦-𝐩𝐨𝐚𝐧𝐚 :

Alarobia : 1 ora sy 30 – 5 ora hariva

Alakamisy : 1 ora sy 30 – 5 ora hariva

Zoma : 1 ora sy 30 – 5 ora hariva

Sabotsy : 8 ora maraina – 5 ora hariva

Ity tetikasa ity dia tanjona hanamaivanana ny fandaniana sy ho fanohanana akaiky ireo mpianatra mila loharanom-baovao amin’ny fianarany. Tafiditra ao anatin’ny paikady lehibe hampiroboroboana ny fidirana amin’ny teknolojia manerana ny kaominina izy io.

𝐅𝐚𝐧𝐨𝐡𝐚𝐧𝐚𝐧𝐚 𝐧𝐲 𝐭𝐫𝐚𝐧𝐨𝐦𝐛𝐨𝐤𝐲 𝐬𝐲 𝐟𝐚𝐧𝐚𝐯𝐚𝐨𝐳𝐚𝐧𝐚

Nandritra ny fitsidihana natao tao amin’ny tranomboky, dia nambaran’ny tompon’andraikitra fa hanampy ny kaominina amin’ny fanavaozana sy fanatsarana ny tranomboky ny Mouvement GASIKARA.

Nanamafy ihany koa ny Minisitry ny Serasera sy ny Kolontsaina, Gascar Fenosoa, fa hanolotra boky sy fitaovana fanampiny ho fanohizana hatrany ny fananganana kolontsaina vakiboky eto an-toerana.

𝐅𝐚𝐧𝐤𝐚𝐬𝐢𝐭𝐫𝐚𝐡𝐚𝐧𝐚

Nisaoran’ny kaominina manokana :

Ny Lehiben’ny Distrika Ambatolampy

Ny Ministeran’ny Serasera sy ny Kolontsaina

Ny Mouvement GASIKARA

Ireo Depiote

Ireo mpampianatra sy mpianatra tonga maro, na dia tsy nitsitsy orana aza

Ary ny ekipan’ny Commune Urbaine Ambatolampy