Noho ny fiara-miasa sy ny fiaraha-mientana teo amin’ireo tompon’andraikitra eto amin’ny CEG Ankadikely sy ny FEFFI ary ny fiadidian’ny Kaominina Ankadikely-Ilafy dia vita soa aman-tsara ny fanamboarana ho simenitra (Béton) ny tokontan’ny sekoly. Natao izao ezaka izao ho fiarovana ireo mpianatra amin’ny vovoka sy ho fanomezana endrika mahafinaritra ho an’ny sekoly.
Nezahina moa ny namita ny asa nandritry ny fialan-tsasatry ny mpianatra. Isaorana noho izany ny rehetra amin’ny fifanomezan-tanana. Marihina fa fanomezana ireo simenitra no anjara biriky nentin’ny Kaominina tamin’izao asa izao izay isaorana manokana ny Ben’ny tanana Rija Rajonah sy ny fiadidian’ny Kaominina Ankadikely-Ilafy namaly ny hetahetan’ireo Ray aman-dRenin’ny mpianatra sy ny Talean-tsekoly.
« Isika rehetra miray hina, mananjara amin’ny Fampandrosoana »
