𝐓𝐒𝐘 𝐇𝐈𝐒𝐘 𝐁𝐀𝐒𝐄 𝐌𝐈𝐋𝐈𝐓𝐀𝐈𝐑𝐄 𝐅𝐑𝐀𝐍𝐓𝐒𝐀𝐈𝐒 𝐈𝐍𝐓𝐒𝐎𝐍𝐘 𝐀𝐎 𝐀𝐍𝐓𝐒𝐈𝐑𝐀𝐍𝐀𝐍𝐀, 𝐇𝐎𝐘 𝐍𝐘 𝐌𝐈𝐍𝐈𝐒𝐈𝐓𝐑𝐀 𝐕𝐀𝐎𝐕𝐀𝐎 𝐍𝐘 𝐅𝐎𝐋𝐎𝐀𝐋𝐈𝐍𝐃𝐀𝐇𝐘

Nandritra ny fifamindram-pitantanana teo amin’ny Minisitry ny Foloalindahy teo aloha sy ny Minisitra vaovao dia nanambara am-pahibemaso ny Minisitra vaovao fa “tsy asiana base militaire frantsay intsony ao Antsiranana.”

Io fanambaràna io, hoy izy, dia maneho mazava ny fijoroan’ny Tafika Malagasy amin’ny fiarovana tanteraka ny fiandrianam-pirenena sy ny fahaleovantena, ary famaliana ihany koa ny hetahetan’ny vahoaka amin’ny fanamafisana ny fahavononana sy ny fahaleovan-tenan’ny hery fiarovana.
Notsindriany manokana fa hamafisina ny firaisankina sy ny fiaraha-miasa eo amin’ny Tafika sy ny Zandary, mba hahatongavana amin’ny hery miaro mahomby sy miray tanjona.

Nanambara ihany koa ny Minisitra fa hisy fanovana rafitra hatao ao anatin’ny Ministera, araka ny fitakian’ny vahoaka sy ny fivoaran’ny teknolojia sy ny tontolo ara-piarovana ankehitriny.

Tanjona amin’izany ny hanamafisana bebe kokoa ny fandriam-pahalemana manerana ny Nosy, ny fampihenana ny asan-dahalo, ary ny fampanajana ny lalàna sy ny filaminam-bahoaka.

« 𝑻𝙨𝒚 𝒉𝙞𝒔𝙮 𝙗𝒂𝙨𝒆 𝒎𝙞𝒍𝙞𝒕𝙖𝒊𝙧𝒆 𝒇𝙧𝒂𝙣𝒕𝙨𝒂𝙮 𝙞𝒏𝙩𝒔𝙤𝒏𝙮 𝙚𝒕𝙤 𝙈𝒂𝙙𝒂𝙜𝒂𝙨𝒊𝙠𝒂𝙧𝒂.
𝙏𝒂𝙛𝒊𝙠𝒂 𝑴𝙖𝒍𝙖𝒈𝙖𝒔𝙮 𝙝𝒐 𝒂𝙣’𝙣𝒚 𝑴𝙖𝒍𝙖𝒈𝙖𝒔𝙮. »
— 𝘩𝘰𝘺 𝘯𝘺 𝘔𝘪𝘯𝘪𝘴𝘪𝘵𝘳𝘺 𝘯𝘺 𝘍𝘰𝘭𝘰𝘢𝘭𝘪𝘯𝘥𝘢𝘩𝘺 𝘷𝘢𝘰𝘷𝘢𝘰.

Nangonin ‘Lay Mahitsy