𝐅𝐚𝐧𝐞𝐡𝐨𝐚𝐦-𝐩𝐢𝐫𝐚𝐢𝐬𝐚𝐧𝐤𝐢𝐧𝐚 𝐬𝐲 𝐟𝐢𝐟𝐚𝐦𝐩𝐢𝐳𝐚𝐫𝐚̀𝐧𝐚 𝐧𝐨𝐭𝐚𝐧𝐭𝐞𝐫𝐚𝐡𝐢𝐧’𝐧𝐲 𝐀𝐧𝐭𝐨𝐤𝐨 𝐓𝐆𝐕 – 𝐁𝐨𝐫𝐢𝐛𝐨𝐫𝐢𝐧𝐭𝐚𝐧𝐲 𝐅𝐚𝐡𝐚𝐞𝐟𝐚𝐭𝐫𝐚

Naneho tanteraka ny firaisankina sy ny fifanomezan-tànana ny Antoko TGV ao amin’ny Boriborintany fahaefatra, izay tarihin-dRamatoa Voahangy Bodo Ranalimalala, tamin’ny alalan’ny fizaràna nofon-kena mitam-pihavanana teny Andavamamba Ambilanibe, androany 30 Jolay 2025.

Ity hetsika ity dia natao ho mariky ny fifampitohizan’ny mpikambana ao anatin’ny antoko, sady fanehoana feno fanohanana ny Filoha Andry Rajoelina. Maneho fa velona sy miaina ao anaty firaisankina ny antoko TGV, izay ahitana fandraisana andraikitra sy fanampiana ifampizaràna amin’ny mpikambana rehetra.

Fitia tsy mba hetra no loharanom-bola nanaovana ny fizaràna, ka avy amin’ny mpikambana ao anatiny no niavian’ny fanampiana. Tanjona amin’izany ny hamelomana ny fanahy maha-iray sy maha-tompon’andraikitra ao amin’ny antoko politika TGV.

Anisan’ny mampiavaka ny fitarihana ataon-dRamatoa Bodo ny fahaizany mampiray sy mampivondrona ny mpikambana ao amin’ny boriborintany fahaefatra. Hoy ny fanehoan-kevitry ny sasany: « iray feo, iray saina, iray tanjona ny TGV ao amin’ny boriborintany fahaefatra, noho ny fahaiza-mitarika sy ny fitiavan-tanindrazana iainan’ny filohany. »

“𝑴𝒂𝒏𝒌𝒂𝒔𝒊𝒕𝒓𝒂𝒌𝒂 𝒔𝒚 𝒎𝒊𝒂𝒊𝒌𝒚 𝒏𝒚 𝒇𝒂𝒉𝒂𝒊𝒛𝒂-𝒎𝒊𝒕𝒂𝒓𝒊𝒌𝒂𝒐 𝒊𝒛𝒂𝒉𝒂𝒚, 𝑹𝒂𝒎𝒂𝒕𝒐𝒂 𝑩𝒐𝒅𝒐. 𝑴𝒊𝒔𝒂𝒐𝒕𝒓𝒂 𝒂𝒎𝒊𝒏’𝒏𝒚 𝒆𝒛𝒂𝒌𝒂 𝒔𝒚 𝒇𝒂𝒏𝒐𝒍𝒐𝒓𝒂𝒏-𝒕𝒆𝒏𝒂. 𝑵𝒚 𝒂𝒔𝒂 𝒎𝒂𝒏𝒂𝒏-𝒅𝒂𝒏𝒋𝒂 𝒏𝒐 𝒎𝒂𝒏𝒂𝒎𝒂𝒓𝒊𝒏𝒂 𝒏𝒚 𝒎𝒂𝒉𝒂-𝒍𝒆𝒉𝒊𝒃𝒆𝒏’𝒏𝒚 𝒎𝒑𝒊𝒕𝒂𝒓𝒊𝒌𝒂.”

Hoy Andriamatoa 𝗝𝗲𝗮𝗻 𝗡𝗶𝗿𝗶𝗻𝗮 𝗥𝗮𝗳𝗮𝗻𝗼𝗺𝗲𝘇𝗮𝗻𝘁𝘀𝗼𝗮 Filoha Mpanorina ny 𝗛𝗔𝗙𝗔𝗥𝗜 𝗠𝗔𝗟𝗔𝗚𝗔𝗦𝗬 raha naneho ny fankasitrahany

Nangonin ‘Lay Mahitsy.

: Jean Nirina Rafanomezantsoa