Ny datin’ny 31 Martsa 2025 no miova ho Toby Jeneraly Richard RAVALOMANANA ny Tobin’ny Zandarmaria etsy Ankadilalana.
Araka ny fanazavana entin’ny avy eo anivon’ny Zndaramairaiam-pirenena, dia mendrika azy loatra ny hahazo izany, noho ireo fahaizana amam-pahalalana nananany, ary ankoatr’izay ddia nohon’ny fitantanana mahomby sy ny traikefa miavosa eo ampelantanany, raha tsy hilaza afa tsy ireto vitsivitsy tanisaina ambany ireto isika.
Voalohany, Andriamatoa Filohan’ny Antenimierandoholona dia niasa sy nipetraka tao amin’io Toby io an-taonany maro nandritra ny fotoana naha am-perin’asa azy teo anivon’ny Zandarimariam-pirenena. Ireto avy ireo andraikitra efa nosahaniny teto anivon’ny CIRGN Antananarivo :
𝑳𝒆𝒇𝒊𝒕𝒓𝒚 𝒏𝒚 𝑲𝒐𝒎𝒂𝒏𝒅𝒊𝒏’𝒏𝒚 𝑽𝒐𝒏𝒅𝒓𝒐𝒏-𝒕𝒐𝒃𝒊𝒎-𝒑𝒂𝒓𝒊𝒕𝒓𝒂 𝑰𝒎𝒆𝒓𝒊𝒏𝒂 𝒄𝒆𝒏𝒕𝒓𝒂𝒍𝒆 (1985-1987) raha vao nivoaka ny Sekoly ambonin’ny Zandarimariam-pirenena ;
𝑲𝒐𝒎𝒂𝒏𝒅𝒊𝒏’𝒏𝒚 𝑽𝒐𝒏𝒅𝒓𝒐𝒏-𝒕𝒐𝒃𝒊𝒎-𝒑𝒂𝒓𝒊𝒕𝒓𝒂 𝑰𝒎𝒆𝒓𝒊𝒏𝒂 𝒄𝒆𝒏𝒕𝒓𝒂𝒍𝒆 (1994-1996);
𝑲𝒐𝒎𝒂𝒏𝒅𝒊𝒏’𝒏𝒚 𝑪𝑰𝑹𝑮𝑵 𝑨𝒏𝒕𝒂𝒏𝒂𝒏𝒂𝒓𝒊𝒗𝒐 (2009-2012).
Manaraka izany dia maro ny sedra, ny fotoana manan-danja niseho nandritra ny fotoana niandraiketany ireo andraikitra. Singanina manokana amin’izany :
Ny niatrehany asan-jiolahy tany ambanivohitra sy an-tanàn-dehibe, fanakorontanana ny filaminam-bahoaka, isan’izany ny fikomiana miaramila miisa enina sy ny asa fampihorohoroana maro;
Intelo naratra izy nandritra ny fotoam-piasany teo anivon’ny Zandarimariam-pirenena ;
Ny nahazoany taratasy fankasitrahana in-5 tamin’ny nahatontosany tamin’ny antsakany sy andavany ny asa tamim-pamendrehana.
I 𝑱𝒆𝒏𝒆𝒓𝒂𝒍𝒚 𝑹𝒊𝒄𝒉𝒂𝒓𝒅 𝑹𝑨𝑽𝑨𝑳𝑶𝑴𝑨𝑵𝑨𝑵𝑨 𝒎𝒊𝒗𝒂𝒅𝒚 koa no nanangana ny 𝒕𝒐𝒆𝒓𝒂𝒏𝒂 𝒇𝒊𝒕𝒂𝒊𝒛𝒂𝒏𝒂 𝒛𝒂𝒛𝒂 𝒌𝒂𝒎𝒃𝒐𝒕𝒊𝒏’𝒊𝒓𝒆𝒐 𝒛𝒂𝒏𝒅𝒂𝒓𝒚 𝒍𝒂𝒗𝒐 𝒕𝒆𝒐 𝒂𝒎-𝒑𝒂𝒏𝒂𝒏𝒕𝒂𝒏𝒕𝒆𝒓𝒂𝒉𝒂𝒏𝒂 𝒏𝒚 𝒂𝒅𝒊𝒅𝒊𝒏𝒚 ao 𝑨𝒓𝒊𝒗𝒐𝒏𝒊𝒎𝒂𝒎𝒐, ny 23 𝒐𝒌𝒕𝒐𝒃𝒓𝒂 2013, fony izy Komandin’ny Zandarimariam-pirenena. Zaza kamboty manerana an’i Madagasikara no tezaina ao ary misy ireo ankizy efa lasa manamboninahitra, dokotera sy mpiasam-panjakana hafa.
Mbola i 𝑱𝒆𝒏𝒆𝒓𝒂𝒍𝒚 𝑹𝒊𝒄𝒉𝒂𝒓𝒅 𝑹𝑨𝑽𝑨𝑳𝑶𝑴𝑨𝑵𝑨𝑵𝑨 ihany koa no nampisy ny 02 aprily, 𝒇𝒂𝒏𝒌𝒂𝒍𝒂𝒛𝒂𝒏𝒂 𝒊𝒔𝒂𝒏-𝒕𝒂𝒐𝒏𝒂 𝒏𝒚 𝑨𝒏𝒅𝒓𝒐𝒏’𝒏𝒚 𝒁𝒂𝒏𝒅𝒂𝒓𝒊𝒎𝒂𝒓𝒊𝒂𝒎-𝒑𝒊𝒓𝒆𝒏𝒆𝒏𝒂. Ny 02 aprily 1969 no nandraisan’ny manamboninahitra zandary malagasy voalohany, dia i 𝒍𝒊𝒆𝒖𝒕𝒆𝒏𝒂𝒏𝒕-𝒄𝒐𝒍𝒐𝒏𝒆𝒍 𝑹𝒊𝒄𝒉𝒂𝒓𝒅 𝑹𝒂𝒕𝒔𝒊𝒎𝒂𝒏𝒅𝒓𝒂𝒗𝒂, ny fibaikoana ny Zandarimariam-pirenena. Talohan’izay, dia ny andron’ny Zandarimaria frantsay no nankalazaina teto amin’ny Zandarmariam-pirenena malagasy.
Tsy isan’ny manana marika famantarana na « logo », sy teny faneva na « devise », ny Fari-piadidian’ny Zandarimariam-pirenena teo aloha, fa i 𝑱𝒆𝒏𝒆𝒓𝒂𝒍𝒚 𝑹𝒊𝒄𝒉𝒂𝒓𝒅 𝑹𝑨𝑽𝑨𝑳𝑶𝑴𝑨𝑵𝑨𝑵𝑨 no nangataka izany fony izy nifehy teto tamin’ny taona 2010. Koa ny an’ny ny Fari-piadidian’ny Zandarimariam-pirenena Antananarivo no nahazo voalohany izany, dia ny hoe « 𝑷𝒓𝒐𝒇𝒆𝒔𝒔𝒊𝒐𝒏𝒏𝒂𝒍𝒊𝒔𝒎𝒆 𝒆𝒕 𝑳𝒐𝒊 ». Io no nataony teny faneva rehefa nahazo ny galona « 𝒈é𝒏é𝒓𝒂𝒍 𝒅𝒆 𝒃𝒓𝒊𝒈𝒂𝒅𝒆 » izy. Tao aorian’izay, dia efa nanao marika famantarana sy teny faneva avokoa, ny Fari-piadidian’ny Zandarimariam-pirenena enina eto Madagasikara.
Ankoatra izay, dia i 𝑱𝒆𝒏𝒆𝒓𝒂𝒍𝒚 𝑹𝒊𝒄𝒉𝒂𝒓𝒅 𝑹𝑨𝑽𝑨𝑳𝑶𝑴𝑨𝑵𝑨𝑵𝑨 no nampisy ny fankasitrahana ireo nahasahy nanolotra ny ainy ho an’ny Tanindrazana. Ny taona 2013, fony izy komandin’ny Zandarimariam-pirenena, no nanolo-kevitra ny hankasitrahana ireo lavo teo am-panefana ny adidiny, ka nanomezana azy ireo « 𝒂𝒗𝒂𝒏𝒄𝒆𝒎𝒆𝒏𝒕 𝒆𝒙𝒄𝒆𝒑𝒕𝒊𝒐𝒏𝒏𝒆𝒍 𝒂𝒖 𝒈𝒓𝒂𝒅𝒆 𝒔𝒖𝒑é𝒓𝒊𝒆𝒖𝒓 », fanomezana mari-boninahi-pirenena, vola fanampiana ireo vady navelan’ny maty, eny hatramin’ny asa ho an’ireto farany, raha toa ka tsy manana asa fivelomana izy ireo. Ny taona 2019, fony izy Sekreteram-panjakana miadidy ny Zandarimaria, dia nangataka izy ny hanitarana ny tombon-tsoa homena ireo mpitandro ny filaminana maherifo naratra, eny na dia tsy naratra akory aza, rehefa nampiseho fahafoizan-tena ho an’ny Tanindrazana. Isaorana ny 𝑨𝒏𝒅𝒓𝒚 𝑹𝑨𝑱𝑶𝑬𝑳𝑰𝑵𝑨 ny nanekeny izany fangatahana nataon’i 𝑱𝒆𝒏𝒆𝒓𝒂𝒍𝒚 𝑹𝒊𝒄𝒉𝒂𝒓𝒅 𝑹𝑨𝑽𝑨𝑳𝑶𝑴𝑨𝑵𝑨𝑵𝑨 izany tamin’ny Tetezamita sy fony izy lany ho filoham-pirenena tamin’ny 2019.
Nitondra avo ny Voninahitry ny Zandarimariam-pirenena koa i 𝑱𝒆𝒏𝒆𝒓𝒂𝒍𝒚 𝑹𝒊𝒄𝒉𝒂𝒓𝒅 𝑹𝑨𝑽𝑨𝑳𝑶𝑴𝑨𝑵𝑨𝑵𝑨.
Manamboninahitra zandary niofana tany amin’ny 𝑬𝒄𝒐𝒍𝒆 𝒅𝒆𝒔 𝒐𝒇𝒇𝒊𝒄𝒊𝒆𝒓𝒔 𝒅𝒆 𝒍𝒂 𝑮𝒆𝒏𝒅𝒂𝒓𝒎𝒆𝒓𝒊𝒆 𝒅𝒆 𝑴𝒆𝒍𝒖𝒏, 𝑬𝒄𝒐𝒍𝒆 𝒅’é𝒕𝒂𝒕-𝒎𝒂𝒋𝒐𝒓 𝒅𝒆 𝑴𝒂𝒊𝒔𝒐𝒏𝒔-𝑨𝒍𝒇𝒐𝒓𝒕𝒔 ary 𝑬𝒄𝒐𝒍𝒆 𝒅𝒆 𝒈𝒖𝒆𝒓𝒓𝒆 𝒕𝒂𝒐 𝑷𝒂𝒓𝒊𝒔 izy, niaraka tamin’ireo manamboninahitra avy amin’ny firenena maro. Namiratra foana tamin’ireo fiofanana narahiny izy satria « 𝒎𝒂𝒋𝒐𝒓 𝒅𝒆 𝒑𝒓𝒐𝒎𝒐𝒕𝒊𝒐𝒏 𝒅𝒆𝒔 𝒐𝒇𝒇𝒊𝒄𝒊𝒆𝒓𝒔 é𝒕𝒓𝒂𝒏𝒈𝒆𝒓𝒔 » hatrany izy. Mbola nisy ny fiofanana hafa natrehany tany ivelany, ka isan’izany ny « 𝑮𝒆𝒔𝒕𝒊𝒐𝒏 𝒅𝒆 𝒄𝒓𝒊𝒔𝒆 𝒆𝒕 𝒍𝒖𝒕𝒕𝒆 𝒄𝒐𝒏𝒕𝒓𝒆 𝒍𝒆 𝒕𝒆𝒓𝒓𝒐𝒓𝒊𝒔𝒎𝒆 » tany 𝑾𝒂𝒔𝒉𝒊𝒏𝒈𝒕𝒐𝒏 𝑫𝑪 sy ny « 𝑹é𝒇𝒐𝒓𝒎𝒆 𝒅𝒖 𝒔𝒆𝒄𝒕𝒆𝒖𝒓 𝒍𝒂 𝒅𝒆 𝒔é𝒄𝒖𝒓𝒊𝒕é » tany amin’ny 𝑰𝒏𝒔𝒕𝒊𝒕𝒖𝒕 𝒅𝒆𝒔 𝑯𝒂𝒖𝒕𝒆𝒔 é𝒕𝒖𝒅𝒆𝒔 𝒅𝒆 𝒍𝒂 𝒅é𝒇𝒆𝒏𝒔𝒆 𝒏𝒂𝒕𝒊𝒐𝒏𝒂𝒍𝒆 tany 𝑷𝒂𝒓𝒊𝒔.
Manamboninahitra zandary efa nitàna andraikitra ambony ivelan’ny Zandarimariam-pirenena ihany koa i 𝑱𝒆𝒏𝒆𝒓𝒂𝒍𝒚 𝑹𝒊𝒄𝒉𝒂𝒓𝒅 𝑹𝑨𝑽𝑨𝑳𝑶𝑴𝑨𝑵𝑨𝑵𝑨. Izy dia efa mpanolontsaina maharitran’ ny Praiminisitra 𝑹𝒂𝒕𝒔𝒊𝒓𝒂𝒉𝒐𝒏𝒂𝒏𝒂 𝑵𝒐𝒓𝒃𝒆𝒓𝒕 𝑳𝒂𝒍𝒂, 𝑹𝒂𝒌𝒐𝒕𝒐𝒎𝒂𝒗𝒐 𝑷𝒂𝒔𝒄𝒂𝒍 ary 𝑻𝒂𝒏𝒕𝒆𝒍𝒚 𝑨𝒏𝒅𝒓𝒊𝒂𝒏𝒂𝒓𝒊𝒗𝒐 ; mpanolontsaina manokan’ny Filoha 𝑨𝒏𝒅𝒓𝒚 𝑹𝑨𝑱𝑶𝑬𝑳𝑰𝑵𝑨 ; Loholon’i Madagasikara ; Filohan’ny Antenimierandoholona ankehitriny ary efa nisahana ny andraikitra naha Filoham-panjakana mpisolo toerana na « 𝑪𝒉𝒆𝒇 𝒅’𝑬𝒕𝒂𝒕 𝒑𝒂𝒓 𝒊𝒏𝒕é𝒓𝒊𝒎 » teto Madagasikara. Izy sy i 𝒌𝒐𝒍𝒐𝒏𝒆𝒍𝒚 𝑹𝒊𝒄𝒉𝒂𝒓𝒅 𝑹𝒂𝒕𝒔𝒊𝒎𝒂𝒏𝒅𝒓𝒂𝒗𝒂 ihany no manamboninahitra zandary nisahana izany andraikitra izany hatreto. Izy irery no mbola manamboninahitra zandary, nisahana ny andraikitra Filohan’ny Antenimierandoholona hatreto.
Manana ny Mariboninahi-pirenena « 𝑮𝒓𝒂𝒏𝒅-𝒄𝒓𝒐𝒊𝒙 𝒅𝒆 𝒅𝒆𝒖𝒙𝒊è𝒎𝒆 𝒄𝒍𝒂𝒔𝒔𝒆 » ny 𝑱𝒆𝒏𝒆𝒓𝒂𝒍𝒚 𝑹𝒊𝒄𝒉𝒂𝒓𝒅 𝑹𝑨𝑽𝑨𝑳𝑶𝑴𝑨𝑵𝑨𝑵𝑨. Ankoatra izay dia nahazo « 𝑴é𝒅𝒂𝒊𝒍𝒍𝒆𝒔 𝒅’𝒐𝒓 » avy amin’ny Minisiteran’ny Fiarovam-pirenena frantsay, sy ny Minisiteran’ny Fiarovam-pirenena malagasy ary ny Zandarimariam-pirenena malagasy izy.
Tsy adinon’ity Jeneraly sady Filohan’ny Antenimieran-doholona ity no nisaotra sy nankasitraka ireo mpiara-miasa rehetra, ary nentanina hatrany ireo Zandary zandry zanaka hilofo hatrany hanao izay tratry ny hery ho fiarovana an’i Madagasikara, ka hitandro ny hasina maha Zandary sy ny fiandrianam-pirenena.
Nangonin’ ‘Lay Mahitsy
