𝗙𝗜𝗛𝗔𝗢𝗡𝗔𝗡’𝗜𝗥𝗘𝗢 𝗠𝗣𝗜𝗞𝗔𝗠𝗕𝗔𝗡𝗔 𝗔𝗢 𝗔𝗠𝗜𝗡’𝗡𝗬 « 𝗔𝗦𝗦𝗢𝗖𝗜𝗔𝗧𝗜𝗢𝗡 𝗣𝗥𝗢𝗙𝗘𝗦𝗦𝗜𝗢𝗡𝗡𝗘𝗟𝗟𝗘 𝗗𝗘 𝗟𝗔 𝗣𝗥𝗘𝗦𝗦𝗘 𝗘𝗡 𝗟𝗜𝗚𝗡𝗘 » (𝗔𝗣𝗣𝗘𝗟) 𝗧𝗔𝗠𝗜𝗡’𝗔𝗡𝗗𝗥𝗜𝗔𝗠𝗔𝗧𝗢𝗔 𝗙𝗜𝗟𝗢𝗛𝗔𝗡’𝗡𝗬 𝗔𝗡𝗧𝗘𝗡𝗜𝗠𝗜𝗘𝗥𝗔𝗡𝗗𝗢𝗛𝗢𝗟𝗢𝗡𝗔

Ny faha 12 Martsa 2025 lasa teo no nihaona nivantana tamin’Andriamatoa Filohan’ny Antenimierandoholoa, ny Jeneraly Richard RAVALOMANANA ny Fikambanamben’ny Mpanao Gazety an’habaka eto Madagasikara, na ny « 𝑨𝒔𝒔𝒐𝒄𝒊𝒂𝒕𝒊𝒐𝒏 𝑷𝒓𝒐𝒇𝒆𝒔𝒔𝒊𝒐𝒏𝒏𝒆𝒍𝒍𝒆 𝒅𝒆 𝒍𝒂 𝑷𝒓𝒆𝒔𝒔𝒆 𝒆𝒏 𝑳𝒊𝒈𝒏𝒆 » (𝑨𝑷𝑷𝑬𝑳). izay notarihin’Andriamatoa Tojo RAMILIANTA, izay Filohan’ity Fikambanana sy ny Sekretera Jeneraly Nyh Gabriel ANDRIAMITANTSOA.

Ankoatry ny fifampiarabaina sy firariantsoa nohon’ny fahatratrana ny taona 2025 nifanaovan’ny roa tonta, dia nisy ny resadresaka amin’ny maha Ray aman-dreny sy Zanaka, tamin’izany no nanambaran’ity Filohan’ny Andrimpanjakana Malagasy ity fa « Manana adidy amin’ny famoahana vaovao marim-pototra sy vita fanamarinana ny Mpanao Gazetyary tsy tokony ho vaovao mampisara-bazana na mitarika fifankahalana nefa hoy izy no voizina sy ampitaina satria manana anjara biriky amin’ny fanabeazana ny olom-pirenena ny « haino vaky jery »

Tsy nihambahamba kosa anefa ny Andriamatoa Filohan’ny APPEL nilaza fa ny Mpanao Gazety an’habaka mivondrona eto anivon’ny Fikambanana, dia miaro tahaka ny anakandriamaso ny malin’asa sy tandrohasin’ny Mpanao Gazety, ka vaovao marina, voamarina, ary azo hamarinina no ahely ho hitan’ireo Mpamaky sy Mpanaraka ny fampielezam-baovao hataonay.

Teny fohy miharo hafatra kosa no namehezan’ny Sekretera Jeneraly ny maha samy hafa ny Mpanao Facebook sy ny Mpanao Gazety an’habaka, hoy indrindra mantsy, « Ny Mpanao Gazety an’habaka, dia misy lalana mifehy azy tahaka ny Mpanao Gazety rehetra amin’ny TV, Radio, Gazety an-tsoratra, izay mitatitra ny vaoavao eny anivon’ny fiaraha-monina, ka manana tanjona hampirindra ny fiaraha-monina, fa ny Mpanao Facebook kosa, dia izay hahazoany j’aime marobe no hataony, ka tsy mampaninona azy izay tranga aheliny. »

Tsy afa-misaraka ny asa fanaovan-gazety sy ny asam-panjakana, satria tokana hatrany ny tanjona, dia ny hisaian’ny fiaraha-monina mirindra sy mifanaja.