Misokatra sy miditra an-dasy androany 12 Martsa 2025 ao amin’ny CNaPS Vontovorona ny Andro Afrikanina faha-15 an’ny Skotisma. Miara-mivory eto Madagasikara ireo skoto 400 avy amin’ny firenena afrikanina maro hifampizara sy hifampianatra amin’ny andraikitry ny tanora eo amin’ny fiaraha-monina sy ny fiarovana ny tontolo iainana.
Ireo hetsika lehibe:
Lasy lehiben’ny tanora skoto afrikanina Fivoriana momba ny tontolo iainana Fampiofanana sy fifanakalozana Gala skoto Fivorian’ny Komity Afrikanina ho an’ny SkotismaDr RAMAROLAHY Safidy, na OKAPI Droit, Filoha miandraikitra ny fifandraisana iraisam-pirenena eo amin’ny Firaisan’ny Skotisma eto Madagasikara (FSM), milaza fa :
« Voninahitra lehibe ho an’i Madagasikara ity. Manamafy ny fandraisan’anjaran’ny tanora amin’ny fanovana sy ny fandriampahalemana izany. »
Ny skotisma dia lalam-piainana mampifandray ny tanora amin’ny soatoavina iaraha-manana: firaisankina, fifanampiana, fandraisana andraikitra. Manome lanja ny fihavanana, ny fifanajana ary ny fiainana mirindra amin’ny hafa. Mijoro ho mpandala ny fandriampahalemana isika, manorina Afrika iray matanjaka sy miray hina, ao anatin’ilay » vivre-ensemble en paix »
Fampitam-baovaon’i Dr RAMAROLAHY Safidy
